SIP vs Government Schemes: రిటైర్మెంట్ డబ్బును ఈ స్కీమ్స్ లో పెట్టుబడిగా పెడితే డబ్బే డబ్బు

జాబ్ రిటైర్మెంట్ తర్వాత స్థిరమైన ఆదాయం పొందడం చాలా ముఖ్యం. అయితే రిటైర్మెంట్ తర్వాత వచ్చిన డబ్బును పెట్టుబడిగా ఎక్కడ పెడుతున్నామనేది కూడా చాలా ముఖ్యమైన విషయం. మ్యూచువల్ ఫండ్స్ లోని SIPలో పెడితే మంచిదా? లేక ప్రభుత్వ పథకాల్లో పెట్టడం లాభదాయకమా తెలుసుకుందాం రండి.

SIP vs ప్రభుత్వ పథకాలు

రిటైర్మెంట్ ద్వారా వచ్చిన డబ్బును మీరు ప్రభుత్వ పథకంలో పెట్టుబడి పెట్టాలనుకుంటే వడ్డీ రేట, 10-20 ఏళ్లలో అది ఎంత ఉంటుందో చూసి నిర్ణయం తీసుకోవచ్చు. అదేవిధంగా మీరు మ్యూచువల్ ఫండ్స్‌లో పెట్టుబడి పెట్టాలనుకుంటే ఫండ్ సగటు రాబడిని తెలుసుకొని దాని ప్రకారం మీ డబ్బును పెట్టుబడి పెట్టవచ్చు. ప్రస్తుతం పరిస్థితుల్లో ఎందులో పెట్టుబడి పెట్టడం మంచిదో ఇప్పుడు తెలుసుకుందాం. 

SIP పెట్టుబడి

మ్యూచువల్ ఫండ్స్‌ మీకు ఒక ఫిక్స్డ్ అమౌంట్ ని క్రమం తప్పకుండా పెట్టుబడి పెట్టడానికి సహాయపడతాయి. దీని వల్ల క్రమశిక్షణతో కూడిన పొదుపు అలవాటు అవుతుంది. అయితే SIP పెట్టుబడులు మార్కెట్ నష్టాలకు లోబడి ఉంటాయి. కానీ రికార్డ్స్ చూస్తే 12% నుండి 15% వరకు వార్షిక రాబడిని ఇచ్చినట్లు అర్థమవుతుంది. 

జాతీయ పింఛను పథకం (NPS)

NPS అనేది ప్రభుత్వం నిర్వహిస్తున్న రిటైర్మెంట్ సేవింగ్స్ స్కీమ్. ఇది తక్కువ నిర్వహణ ఖర్చులను కలిగి ఉంటుంది. ఇది సాధారణంగా 8% నుండి 10% వరకు రాబడిని అందిస్తుంది. పెట్టుబడిదారులు సెక్షన్ 80C, 80CCD(1) కింద రూ. 2 లక్షల వరకు పన్ను మినహాయింపుల నుండి ప్రయోజనం పొందవచ్చు.

వృద్ధుల పొదుపు పథకం (SCSS)

వృద్ధుల పొదుపు పథకం 60 ఏళ్లు, అంతకంటే ఎక్కువ వయస్సు ఉన్న వ్యక్తుల కోసం ప్రత్యేకంగా రూపొందించారు. ఇది సంవత్సరానికి 8.20% స్థిర వడ్డీ రేటును అందిస్తుంది. ఐదేళ్ల కాలపరిమితితో ఈ స్కీమ్ ఉంటుంది. అయితే మరో మూడేళ్లపాటు పొడిగించవచ్చు. సంపాదించిన వడ్డీకి పెట్టుబడిదారుడి ఆదాయ స్లాబ్ ప్రకారం టాక్స్ పడుతుంది. 

పబ్లిక్ ప్రావిడెంట్ ఫండ్ (PPF)

PPF అనేది 15 ఏళ్ల లాక్-ఇన్ పీరియడ్‌తో కూడిన దీర్ఘకాలిక పెట్టుబడి అవకాశం. ప్రస్తుతం ఇది సంవత్సరానికి 7.10% వడ్డీ రేటును అందిస్తుంది. PPFకి చేసే పెట్టుబడులు సెక్షన్ 80C కింద పన్ను మినహాయింపులకు అర్హత కలిగి ఉంటాయి. దీని నుండి వచ్చే రాబడి కూడా పూర్తిగా పన్ను కట్టాల్సిన అవసరం ఉండదు. 

ఈ పథకాల్లో 20 ఏళ్లపాటు నెలకు రూ.10,000 పెట్టుబడి పెట్టడం ద్వారా లభించే ప్రయోజనాలను పోల్చి చూద్దాం.

SIP పెట్టుబడిలో సగటున సంవత్సరానికి 10% రాబడి వస్తుందని అనుకుంటే మీ పెట్టుబడి దాదాపు రూ.76 లక్షలకు పెరుగుతుంది.

అదే జాతీయ పింఛను పథకంలో సగటున 9% రాబడితో మొత్తం దాదాపు రూ.66 లక్షలు అవుతుంది. PPF పథకం 7.10% వడ్డీ రేటుతో దాదాపు రూ.52 లక్షలకు పెరుగుతుంది. దీన్ని బట్టి ఏ స్కీమ్ లో పెట్టుబడి పెడితే మంచిదో ఆలోచించి నిర్ణయం తీసుకోండి.