నిరుద్యోగ యువత ఉద్యోగం కోసం ఎదురు చూసే బదులు ఓ చక్కటి బిజినెస్ ప్లాన్ తో తమ వ్యాపారం ప్రారంభిస్తే మంచి ఆదాయం పొందవచ్చు. అయితే ఏం బిజినెస్ ప్లాన్ అని ఆలోచిస్తున్నారా.. ఈవెంట్ మేనేజ్మెంట్ వ్యాపారం ప్రారంభించడం ద్వారా చక్కటి ఆదాయం పొందే వీలుంది ఈ మధ్యకాలంలో నగరాల నుంచి చిన్న పట్టణాల వరకు ఈవెంట్స్ అనేవి సాధారణం అయిపోయాయి. ఇంట్లో బర్త్ డే ఫంక్షన్ నుంచి కార్పొరేట్ స్థాయి మీటింగ్ ల వరకు అన్ని ఈవెంట్ మేనేజ్మెంట్ సంస్థలే నిర్వహిస్తున్నాయి.
మీరు కూడా ఈవెంట్ మేనేజ్మెంట్ సంస్థను స్థాపించాలి అనుకుంటే ముందుగా ఈ బిజినెస్ కు కావాల్సిన ప్లాన్ ఏంటో ఇప్పుడు మనం తెలుసుకుందాం. ఈవెంట్ మేనేజ్మెంట్ సంస్థలు ప్రారంభించాలంటే ముందుగా మీరు ఒక కంపెనీ పేరును రిజిస్టర్ చేయించుకోవాల్సి ఉంటుంది అలాగే ఆ కంపెనీలో సీఈవో సహా ఇతర సిబ్బందిని తీసుకోవాల్సి ఉంటుంది నగరంలోనే ఒక ఆఫీసును తీసుకోవాలి అలాగే ఓ గోడౌన్ కూడా మైంటైన్ చేస్తే మంచిది దీంతోపాటు గూడ్స్ వెహికల్స్ కూడా అందుబాటులో ఉంచుకుంటే మంచిది.
మొదట్లో మీరు చిన్న చిన్న ఈవెంట్స్ తో ప్రారంభిస్తే మంచిది. ఫ్యామిలీ ఫంక్షన్స్, బర్త్ డేలు, అదేవిధంగా పెళ్లిళ్లు వంటి ఈవెంట్స్ బుక్ చేసుకొని, చక్కటి ప్లానింగ్ తో వైభవంగా చూడ చక్కగా నిర్వహిస్తే మీకు మంచి ఆర్డర్లు వచ్చే అవకాశం ఉంది. ఉదాహరణకు ఓ బర్తడే ఈవెంట్ నిర్వహించాలి అనుకుంటే ముందుగా మీరు ఎంపిక చేసుకున్న ఫంక్షన్ హాల్ లేదా ఖాళీ ప్రదేశంలో డెకరేషన్ కోసం ఓ ప్రత్యేకమైన వ్యక్తిని కేటాయించాల్సి ఉంటుంది డెకరేషన్ అనంతరం ఫుడ్ విషయంలో చాలా జాగ్రత్తగా ఉండాలి. . మంచి కేటరింగ్ తో ఒప్పందం కుదుర్చుకోవాలి.
ఈవెంట్ మేనేజ్మెంట్ విషయంలో ఏమున్నా లేకపోయినా సమయపాలన అనేది చాలా ముఖ్యం. . మీరు క్లైంట్ కు చెప్పిన సమయానికి చెప్పిన పనులు చేయడం ద్వారా వారి ఆదరణను పొందవచ్చు. ఉదాహరణకు పెళ్లిళ్ల విషయంలో చాలా జాగ్రత్తగా ఉండాలి. ముహూర్తం సమయంలో అన్ని అనుకున్నట్టుగా జరగాలి లేకపోతే క్లైంట్ ఆగ్రహానికి గురించవలసి వస్తుంది.
ఇక ఈవెంట్ మేనేజ్మెంట్ విస్తరించే కొద్దీ మీరు సినిమా ఆడియో ఫంక్షన్లు, సభలు సమావేశాలు, కార్పొరేట్ మీటింగ్స్, అదేవిధంగా ఇతర కార్పొరేట్ ఈవెంట్స్ కూడా తీసుకోవడం ద్వారా మీ వ్యాపారాన్ని మరింత విస్తరించుకోవచ్చు. అయితే ఈవెంట్ మేనేజ్మెంట్ సంస్థకు పెట్టుబడి ఎంత పెట్టాలి అని ఆలోచిస్తున్నారా. ముందుగా కొద్దిగా పెట్టుబడి తోనే ప్రారంభించండి మీ వ్యాపారం విస్తరించే కొద్దీ వచ్చిన ఆదాయాన్ని పెట్టుబడిగా మార్చి మీరు ముందడుగు వేయండి.