బిగ్ బాస్ నుండి నాగార్జున అవుట్..?

వైల్డ్ డాగ్ మూవీ షూటింగ్ షెడ్యూల్ కోసం నాగార్జున థాయిలాండ్ వెళ్లాల్సి ఉందట. అక్కడే ఆయన నెలరోజులకు పైగా గడపాల్సి ఉండగా బిగ్ బాస్ షోకి హోస్ట్ గా చేసే అవకాశం లేదు అంటున్నారు. ఈ విషయమై షో నిర్వాహకులతో చర్చలు జరుపుతున్నారట.   

బిగ్ బాస్ హోస్ట్ గా నాగార్జున సూపర్ సక్సెస్. మంచి వాక్చాతుర్యంతో పాటు టైమింగ్ తో అదరగొడుతున్నారు. వారాంతంలో వచ్చే నాగార్జున షో టీఆర్పీ అమాంతంగా పెంచేస్తున్నారు. కాగా నాగార్జున బిగ్ బాస్ హోస్ట్ గా సీజన్ మధ్యలోనే తప్పుకోనున్నారని ఓ షాకింగ్ న్యూస్ బయటికి వచ్చింది. బిగ్ బాస్ చివరి ఎపిసోడ్స్ నుండి నాగార్జున తప్పుకొని అవకాశం కలదట. దానికి కారణం వైల్డ్ మూవీ అని తెలుస్తుంది. 

కింగ్ నాగార్జున దర్శకుడు సోలోమన్ దర్శకత్వంలో వైల్డ్ డాగ్ అనే ఓ యాక్షన్ ఎంటర్టైనర్ చేస్తున్నారు. నాగార్జున ఈ చిత్రంలో ఎన్ ఐ ఏ అధికారి రోల్ చేస్తున్నారు. ఆయన ఎన్కౌంటర్ స్పెషలిస్ట్ గా కనిపిస్తారని సమాచారం. సినిమా షూటింగ్ చాలా వరకు పూర్తి చేసుకుంది. కరోనా వైరస్ కారణంగా విదేశాలలో జరపాల్సిన చిత్రీకరణ మిగిలిపోయింది. 

దీనితో ఓ లాంగ్ షెడ్యూల్ కోసం నాగార్జున థాయిలాండ్ వెళ్లాల్సి ఉందట. అక్కడే ఆయన నెలరోజులకు పైగా గడపాల్సి ఉండగా బిగ్ బాస్ షోకి హోస్ట్ గా చేసే అవకాశం లేదు అంటున్నారు. ఈ విషయమై షో నిర్వాహకులతో చర్చలు జరుపుతున్నారట. మరి ఇదే జరిగితే నాగార్జున బిగ్ బాస్ ని మధ్యలో వదిలేయడం ఖాయం. అంటే బిగ్ బాస్ షోకి ఇది నష్టం చేకూర్చే అంశమే.