టాక్సీవాలా ట్రైలర్.. భయంతో విజయ్ దేవరకొండ!
సారాంశం
విజయ్ దేవరకొండ హీరోగా తెరకెక్కిన నూతన చిత్రం 'టాక్సీవాలా'. ఈ సినిమాతో రాహుల్ అనే కొత్త దర్శకుడు పరిచయం కానున్నాడు. ఇప్పటికే ఈ సినిమా విడుదల కావాల్సివున్నా.. వీఎఫ్ఎక్స్ పనుల కారణంగా వాయిదా పడుతూ వస్తోంది. ఎట్టకేలకు సినిమా నవంబర్ 17న ప్రేక్షకుల ముందుకు రావడానికి సిద్ధమైంది.
విజయ్ దేవరకొండ హీరోగా తెరకెక్కిన నూతన చిత్రం 'టాక్సీవాలా'. ఈ సినిమాతో రాహుల్ అనే కొత్త దర్శకుడు పరిచయం కానున్నాడు. ఇప్పటికే ఈ సినిమా విడుదల కావాల్సివున్నా.. వీఎఫ్ఎక్స్ పనుల కారణంగా వాయిదా పడుతూ వస్తోంది.
ఎట్టకేలకు సినిమా నవంబర్ 17న ప్రేక్షకుల ముందుకు రావడానికి సిద్ధమైంది. తాజాగా సినిమా ట్రైలర్ ని విడుదల చేసింది చిత్రబృందం. హారర్, కామెడీ జోనర్ లో సాగనున్న ఈ సినిమా ట్రైలర్ ని కూడా అవే ఎలిమెంట్స్ తో కట్ చేశారు.
ఇంజనీరింగ్ పూర్తి చేసి క్యాబ్ డ్రైవర్ గా మారిన ఓ కుర్రాడి కథే ఈ సినిమా. ఇక్కడ ట్విస్ట్ ఏంటంటే తన కారులో దెయ్యం ఉంటుంది. కారులో దెయ్యం అనే కాన్సెప్ట్ తో దర్శకుడు ఈ సినిమాను రూపొందించాడు. ట్రైలర్ లో విజయ్ భయం భయంగా కనిపించాడు.
గతంలో ఇదే కాన్సెప్ట్ తో నయనతార 'డోర' సినిమా వచ్చింది. మరి ఆ సినిమాతో 'టాక్సీవాలా'కి పోలికలు రాకుండా చిత్రబృందం ఎలాంటి జాగ్రత్తలు తీసుకుందో తెలియాలంటే సినిమా విడుదల వరకు ఎదురుచూడాల్సిందే!