Bigg Boss Telugu 8 live Updates|Day 41: అత్యధిక ఫాలోయింగ్ ఉన్న కంటెస్టెంట్!

తాజాగా నాగ మణికంఠకు సంబంధించిన ఓ ప్రైవేట్ మేటర్ వెలుగులోకి వచ్చింది. అది భార్య ప్రియ రాసిన లేఖ వలన బహిర్గతమైంది. హౌస్లో ఉన్న నాగ మణికంఠకు భార్య ప్రియ పంపిన లెటర్ లో జూనియర్ అని సంబోధించింది. జూనియర్ ఏంటని... తోటి కంటెస్టెంట్స్ నాగ మణికంఠను ప్రశ్నించారు. నువ్వు, ప్రియ ఒక కాలేజ్ లో చదివారా? అనే సందేహం వ్యక్తం చేశారు. 

కాదని చెప్పిన నాగ మణికంఠ... తన ఫోన్ లో కూడా నా నెంబర్ జూనియర్ అని సేవ్ చేసుకుందని అన్నాడు. నాగ మణికంఠను భార్య జూనియర్ అని పిలవడం వెనుక కారణం, అతడు ఆమె కంటే వయసులో చిన్నవాడు కావడమేనట. ప్రియ వయసులో నాగ మణికంఠ కంటే 3 ఏళ్ళు పెద్దది అట. నాగ మణికంఠ ఈ మేటర్ చెప్పడంతో గంగవ్వ షాక్ అయ్యింది. 

ఈ వారం రోజుల పెర్ఫార్మన్స్, ప్రవర్తన ఆధారంగా.. ఓజీ క్లాన్ సభ్యులలో ఎవరు హౌస్లో ఉండేందుకు అనర్హులో కారణం చెప్పి, వారి సూట్ కేస్ ఎగ్జిట్ బోర్డ్ దగ్గర పెట్టాలని నాగార్జున ఆదేశించాడు. ఈ టాస్క్ కొంచెం సీరియస్ గా సాగింది. 

ఆరవ వారానికి గాను యష్మి, విష్ణుప్రియ, పృథ్విరాజ్, సీత, మెహబూబ్, గంగవ్వ నామినేట్ అయిన సంగతి తెలిసిందే.  ఈ ఆరుగురు కంటెస్టెంట్స్ కి ఆడియన్స్ ఓట్లు వేశారు. శుక్రవారం అర్ధరాత్రికి ఓటింగ్ ముగిసింది. చివరి రెండు స్థానాల్లో పృథ్విరాజ్, సీత ఉన్నారట. వీరిద్దరి మధ్య దాదాపు 3 శాతం ఓట్ల తేడా ఉందట. సీత కంటే పృథ్విరాజ్ ముందంజలో ఉన్నాడట. వీరిద్దరిలో ఎవరు ఎలిమినేట్ అవుతారనే ఉత్కంఠ నెలకొన్న నేపథ్యంలో సీత ఎలిమినేట్ అయినట్లు నాగార్జున ప్రకటించారట. ఈ మేరకు విశ్వసనీయ సమాచారం అందుతుంది.

ఈ వారం కంటెస్టెంట్స్ పెర్ఫార్మన్స్ పై రివ్యూ నిర్వహించాడు నాగార్జున. టేస్టీ తేజ, గౌతమ్, నబీల్ లకు నాగార్జున క్లాస్ పీకాడు. అలాగే విష్ణుప్రియకు కూడా స్వీట్ వార్నింగ్ ఇచ్చాడు. నువ్వు గేమ్ ని సీరియస్ గా తీసుకోకపోతే.. ఆడియన్స్ నిన్ను సీరియస్ గా తీసుకోరని నేరుగా చెప్పాడు. 

వీకెండ్ కావడంతో హోస్ట్ నాగార్జున వచ్చేశాడు. ఆయన చాలా కూల్ గా కనిపించారు. రెండు క్లాన్ సభ్యుల యోగ క్షేమాలు అడిగి తెలుసుకున్నాడు. 

లేడీ కంటెస్టెంట్స్ ఇబ్బందిపడుతున్నా నాగ మణికంఠ కౌగిలించుకుంటున్నాడనే విమర్శలు వెల్లువెత్తాయి. యష్మి ఇదే విషయమై అసహనం వ్యక్తం చేయడంతో మణికంఠకు నాగార్జున క్లాస్ పీకాడు. అయినప్పటికీ మణికంఠ మారలేదు. రోహిణి, నయని పావనిలను హగ్ చేసుకున్న మణికంఠ వీడియోలు వైరల్ అవుతున్నాయి. 

గంగవ్వ ఈసారి గట్టిగా ఆడుతుంది. ఫైనల్ బెర్త్ పై కన్నేసింది. కాగా ఆమెకు విష్ణుప్రియ అంటే అసలు నచ్చడం లేదు. నామినేట్ కూడా చేసింది. గార్డెన్ ఏరియాలో... గంగవ్వ-విష్ణుప్రియ మధ్య ఓ ఆసక్తికర సంభాషణ నడిచింది. నీ గురించి తెలిసి నేను నీ ప్రేమలో పడిపోయాను.. అని గంగవ్వతో విష్ణుప్రియ అంది. నాతో ప్రేమలో పడితే ఏమొస్తదీ, పోరగాడిని ప్రేమించు అని పంచ్ వేసింది గంగవ్వ.. 

బిగ్ బాస్ రివ్యూవర్, మాజీ కంటెస్టెంట్ ఆదిరెడ్డి ఓ పోల్ నిర్వహించాడు. స్ట్రాంగ్ కంటెస్టెంట్స్ లో ఎవరికి జనాల్లో అత్యధిక ఫాలోయింగ్ ఉందని ప్రేక్షకులను అడిగాడు. సదరు పోల్ లో నిఖిల్, మణికంఠ, ప్రేరణ, విష్ణుప్రియ, నబీల్ పేర్లను జోడించాడు. రెండు లక్షలకు పైగా ఓట్లు పోల్ అయిన ఈ పోల్ లో నిఖిల్ టాప్ లో నిలిచాడు.