సమంత, విజయ్ సేతుపతిల సినిమా ఓటీటీలో..
సారాంశం
సమంత, విజయ్ సేతుపతి కలిసి నటించిన `సూపర్ డీలక్స్` సినిమా తెలుగులో రిలీజ్ కానుంది. ఓటీటీ ఫ్లాట్ఫామ్ `ఆహా`లో రిలీజ్ చేసేందుకు ప్లాన్ చేస్తున్నారు.
స్టార్ హీరోయిన్ సమంత, విలక్షణ నటుడు విజయ్ సేతుపతి కలిసి నటించిన సినిమా ఓటీటీలో రాబోతుంది. సమంత, విజయ్ సేతపతి కలిసి తమిళంలో `సూపర్ డీలక్స్` అనే చిత్రంలో నటించారు. ఇందులో మలయాళ నటుడు ఫాహద్ ఫాజిల్, రమ్యకృష్ణ, మిస్కిన్ కీలక పాత్రలు పోషించారు. ఇందులో విజయ్ సేతుపతి లేడీ గెటప్లో కనిపించడం విశేషం. త్యాగరాజన్ కుమారరాజా దర్శకత్వం వహించారు. రెండేళ్ల క్రితం విడుదలైన ఈ సినిమా సూపర్ హిట్ అయ్యింది.
ఈ సినిమా తెలుగులో రిలీజ్ కానుంది.`ఆహా` ఓటీటీలో దీన్ని రిలీజ్ చేసేందుకు ప్లాన్ చేస్తున్నారు. ఆగస్ట్ 6న స్ట్రీమింగ్ కానుందని ఆహా వెల్లడించింది. తమిళంలో సక్సెస్ అయిన ఈ సినిమా తెలుగులో, అది కూడా ఓటీటీలో ఎలాంటి ఆదరణపొందుతుందో చూడాలి. ఇక `ఉప్పెన` చిత్రంతో తెలుగులో మంచి గుర్తింపు తెచ్చుకున్నారు విజయ్ సేతుపతి. మరోవైపు సమంత సైతం తెలుగు, తమిళంలో సినిమాలు చేస్తూ దూసుకుపోతుంది. సినిమాపై ప్యాషన్, నటించాలనే కసికి పెళ్లి అడ్డు కాదని నిరూపిస్తుంది. ప్రస్తుతం సమంత తెలుగులో `శాకుంతలం` చిత్రంలో మెయిల్ లీడ్గా చేస్తుంది.తమిళంలో నయనతార, విజయ్ సేతుపతిలతో కలిసి `కాథువాకుల రెండు కాదల్` చిత్రంలో నటిస్తుంది.