యంగ్ టైగర్ ఎన్టీఆర్, మెగా పవర్ స్టార్ రాంచరణ్ కలసి నటిస్తున్న క్రేజీ చిత్రం ఆర్ఆర్ఆర్. బాహుబలి తర్వాత దర్శకధీరుడు రాజమౌళి తెరకెక్కిస్తున్న చిత్రం ఇదే కావడంతో ఆసక్తి నెలకొంది. డివివి దానయ్య ఈ చిత్రాన్ని 350 కోట్ల భారీ బడ్జెట్ లో నిర్మిస్తున్నారు. ఇప్పటికే రాజమౌళి కొంత భాగం షూటింగ్ పూర్తి చేశారు. ప్రస్తుతం చిత్ర యూనిట్ కొత్త షెడ్యూల్ కోసం బల్గేరియా బయలుదేరి వెళ్ళింది.
యంగ్ టైగర్ ఎన్టీఆర్, మెగా పవర్ స్టార్ రాంచరణ్ కలసి నటిస్తున్న క్రేజీ చిత్రం ఆర్ఆర్ఆర్. బాహుబలి తర్వాత దర్శకధీరుడు రాజమౌళి తెరకెక్కిస్తున్న చిత్రం ఇదే కావడంతో ఆసక్తి నెలకొంది. డివివి దానయ్య ఈ చిత్రాన్ని 350 కోట్ల భారీ బడ్జెట్ లో నిర్మిస్తున్నారు. ఇప్పటికే రాజమౌళి కొంత భాగం షూటింగ్ పూర్తి చేశారు. ప్రస్తుతం చిత్ర యూనిట్ కొత్త షెడ్యూల్ కోసం బల్గేరియా బయలుదేరి వెళ్ళింది.
ఈ షెడ్యూల్ లో ఎన్టీఆర్ మాత్రమే పాల్గొంటాడు. ఓ భారీ యాక్షన్ ఎపిసోడ్ ని రాజమౌళి ఎన్టీఆర్ పై బల్గేరియాలో చిత్రీకరించనున్నారు. ఎన్టీఆర్ ఈ చిత్రంలో కొమరం భీం పాత్రలో నటిస్తున్న సంగతి తెలిసిందే. గురువారమే చిత్ర యూనిట్ బల్గేరియా వెళ్లారు.
1920 బ్రిటిష్ కాలం నేపథ్యంలో ఈ చిత్రం సాగుతుంది. రాంచరణ్ అల్లూరి పాత్రలో నటిస్తున్నాడు. కొమరం భీం, అల్లూరి యుక్తవయసులో అజ్ఞాతంలోకి వెళ్లిన అంశాన్ని తీసుకు రాజమౌళి ఈ చిత్రాన్ని కల్పితగాధగా తెరకెక్కిస్తున్నాడు. రాంచరణ్ సరసన అలియా భట్ హీరోయిన్ గా నటిస్తోంది. ఎన్టీఆర్ కు ఇంకా హీరోయిన్ ని ఖరారు చేయలేదు. కీరవాణి సంగీతం అందిస్తున్న ఈ చిత్రంలో బాలీవుడ్ యాక్షన్ హీరో అజయ్ దేవ్ గన్, తమిళనటుడు సముద్రఖని కీలక పాత్రల్లో నటిస్తున్నారు.