ఫ్లాప్ డైరెక్టర్ కి రవితేజ ఓకే చెప్పాడా!

మాస్ మహారాజ రవితేజ నుంచి వరుస సినిమాలు రాబోతున్నాయి. వరుస పరాజయాలతో డీలా పడ్డ రవితేజ ప్రస్తుతం విభిన్నమైన కథలని ఎంచుకుంటున్నాడు. ఎలాగైనా పూర్వవైభవాన్ని పొందాలని భావిస్తున్నాడు. రవితేజ ప్రస్తుతం నటిస్తున్న చిత్రం డిస్కో రాజా. విఐ ఆనంద్ ఈ చిత్రానికి దర్శకుడు. డిసెంబర్ 20న ఈ చిత్రం విడుదల కాబోతోంది. 

రవితేజ తదుపరి చిత్రాల గురించి ఆసక్తికర వార్తలు వినిపిస్తున్నాయి. రవితేజ ఇప్పటికే గోపీచంద్ మలినేని దర్శకత్వం వహించే ఓ చిత్రానికి గ్రీన్ సిగ్నల్ ఇచ్చాడు. తాజాగా మరో దర్శకుడికి కూడా ఓకే చెప్పినట్లు సమాచారం. స్వామిరారా చిత్రంతో గుర్తింపు సొంతం చేసుకున్న సుధీర్ వర్మ ఇటీవల ఓ మాస్ కథని రవితేజకు వినిపించాడట. 

కథ నచ్చడంతో సుధీర్ వర్మతో సినిమా చేసేందుకు రవితేజ అంగీకరించినట్లు తెలుస్తోంది. సుధీర్ వర్మ దర్శకత్వంలో ఇటీవల వచ్చిన రణరంగం చిత్రం తీవ్రంగా నిరాశపరిచింది. ఇక రవితేజతో తెరకెక్కించే చిత్రం ఎలా ఉండబోతోందో చూడాలి.