ఎన్టీఆర్ తర్వాత చరణ్ కి అరుదైన ఘనత.. ఆస్కార్స్ యాక్టర్స్ బ్రాంచ్ లోకి గ్లోబల్ స్టార్..
By Asianet News | First Published Nov 2, 2023, 10:19 AM ISTగ్లోబల్ స్టార్ రామ్ చరణ్ (Ram Charan)కు అరుదైన ఘనత దక్కింది. ‘ఆస్కార్’ ఈవెంట్ కోసం చెర్రీ హాలీవుడ్ లో ఎంత సందడి చేశారో తెలిసిందే. దీంతో ప్రపంచ వ్యాప్తంగా గుర్తింపు దక్కించుకున్నారు. తాజాగా అకాడమీ ప్రతిష్టాత్మకమైన యాక్టర్స్ బ్రాంచ్ లోకి ఆహ్వానించింది.
ఆర్ఆర్ఆర్.. బ్లాక్ బాస్టర్ ఫిల్మ్ హాలీవుడ్ లో ఎంత సెన్సేషన్ క్రియేట్ చేసిందో తెలిసిందే. ఎన్టీఆర్, రామ్ చరణ్ చేసిన హంగామా అంతా ఇంతా కాదు. తెలుగు సినిమావైపు గ్లోబ్ మొత్తం చూసేలా చేశారు. ఇక ఈ చిత్రంలోని సంచలనమైన పాట ‘నాటు నాటు’కు ఒరిజినల్ స్కోర్ విభాగంలో Oscar దక్కిన విషయం విధితమే. అలాగే అకాడమీ నుంచి ప్రైడ్ ఆఫ్ తెలుగు, మ్యాన్ ఆఫ్ మాసెస్ ఎన్టీఆర్ కు ఇప్పటికే అరుదైన గౌరవం దక్కింది. అకాడమీలోని ప్రతిష్టాత్మకైన యాక్టర్స్ బ్రాంచ్ లో మెంబర్ గా చేరారు.
గతంలో అకాడమీ విడుదల చేసిన జాబితాలో వివిధ శాఖల్లో ‘ఆర్ఆర్ఆర్’ టీమ్ మెంబర్స్ ను కూడా అకాడమీ సభ్యులుగా చేర్చుకుంది. ఇక తాజాగా రామ్ చరణ్ అభిమానులు పండగ చేసుకునే న్యూస్ చెప్పింది. అకాడమీ నుంచి లేటెస్ట్ గా విడుదలైన యాక్టర్స్ బ్రాంచ్ కొత్త లిస్టులో మెగా పవర్ స్టార్ రామ్ చరణ్ పేరును అనౌన్స్ చేసింది. ఇప్పటికే తారక్ సభ్యుడిగా చేరిపోయారు. ఇక చరణ్ కు కూడా ఆ గౌరవం దక్కడంతో అభిమానులు ఖుషీ అవుతున్నారు. సెలబ్రెటీలు చరణ్ కు శుభాకాంక్షలు తెలుపుతున్నారు. మరోవైపు ఆస్కార్స్ లో తెలుగువారికి ప్రాధాన్యత పెరుగుతుండటంతో సంతోషిస్తున్నారు.
Latest Videos
ఆస్కార్స్ యాక్టర్స్ బ్రాంచ్ లో సభ్యుడిగా చేరడం వల్ల అవార్డు కోసం దరఖాస్తు చేసుకున్న నటీనటులకు ఎన్నుకునే అర్హత లభిస్తుంది. ఇప్పటికే అకాడమీ పదివేలకు పైగా సభ్యులను ఆయా శాఖల్లో జాయిన్ చేసుకుంది. వచ్చే ఏడాది ఆస్కార్ వేడుకలకు అకాడమీ సిద్ధమవుతోంది. ఈ జాబితాలో పలువురు హాలీవుడ్ యాక్టర్స్ కూడా ఉండటం విశేషం. ఇక రామ్ చరణ్ ప్రస్తుతం కుటుంబంతో ఇటలీలో ఉన్నారు. వరుణ్ తేజ్ - లావణ్య త్రిపాఠి పెళ్లి వేడుకకు హాజరయ్యారు. ప్రస్తుతం చెర్రీ ‘గేమ్ ఛేంజర్’లో నటిస్తున్నారు. దీపావళి కానుకగా ఫస్ట్ సింగిల్ కూడా రాబోతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి