బూమ్..ఫుల్ యాక్షన్ :‘షేడ్స్ అఫ్ సాహో చాప్టర్ 2’ వచ్చేసింది

 యంగ్ రెబల్ స్టార్ ప్రభాస్ నటిస్తున్న మోస్ట్ వాంటెండ్ యాక్షన్ ఎంటర్టైనర్ ‘సాహో’ . ఈ చిత్రం యొక్క ‘షేడ్స్ అఫ్ సాహో చాప్టర్ 2’ విడుదలకోసం ప్రభాస్ అభిమానులు  చాలా ఆసక్తిగా ఎదురు చూస్తున్నారు. ఈసినిమాలో హీరోయిన్ గా నటిస్తున్న బాలీవుడ్ నటి శ్రద్ధ కపూర్ బర్త్ డే సందర్భగా ఈ రోజు ఉదయం 8:20 గంటలకు ఈ టీజర్ ను విడుదలచేసారు. ఆ వీడియోని మీరు ఇక్కడ చూడవచ్చు. పూర్తి యాక్షన్ తో ఆ వీడియో నిండిపోయింది.

ఈ చిత్రం షూటింగ్ ప్రస్తుతం రామోజీ ఫిలిం సిటీ లో శరవేగంగా జరుగుతుంది.    యూవీ క్రియేషన్స్ నిర్మిస్తున్న  ఈ చిత్రంలో ప్రభాస్‌కి జోడీగా శ్రద్ధా కపూర్‌ నటిస్తోంది.  నీల్ నితిన్ ముఖేష్, చుంకీ పాండే, జాకీ ష్రాఫ్, టిన్ను  ఆనంద్, మందిరా బేడీ వంటి పలువురు హిందీ నటులు ఇందులో నటిస్తున్నారు.

‘రన్ రాజా రన్’ ఫేమ్ సుజీత్ తెరకెక్కిస్తున్న ఈ హై వోల్టేజ్ యాక్షన్ ఎంటర్టైనర్ లో నిల్ నితిన్ ముఖేష్  విలన్  పాత్రలో నటిస్తున్నారు. భారీ బడ్జెట్ తో యూవీ క్రియేషన్స్ నిర్మిస్తున్న ఈచిత్రానికి హాలీవుడ్ సాంకేతిక నిపుణులు పనిచేస్తున్నారు. శంకర్-ఎహసాన్ -లాయ్ సంగీతం అందిస్తున్నారు. ఈ చిత్రం ఆగష్టు 15న తెలుగు , హిందీ , తమిళ భాషల్లో భారీ స్థాయిలో విడుదలకానుంది.

దాదాపు రూ.150 కోట్ల బడ్జెట్‌తో ఈ చిత్రాన్ని తెరకెక్కిస్తున్నారు. తెలుగు, తమిళ, హిందీ భాషల్లో ఈ చిత్రాన్ని తెరకెక్కిస్తున్నారు. కేవలం యాక్షన్‌ సన్నివేశాల కోసమే రూ.40 కోట్ల వరకు కేటాయించినట్లు తెలుస్తోంది. ఈ సినిమా తో పాటు  ప్రభాస్‌ జిల్  రాధాకృష్ణ దర్శకత్వంలో నటిస్తున్నారు.