నీ కోసం బాహుబలి 3 తియ్యాలా మేడం?

బాహుబలి తెరకెక్కకముందు దర్శకుడు రాజమౌళి చాలా మంది స్టార్ నటీనటుల వెంట తిరిగి కొన్ని పాత్రల కోసం చాలానే బ్రతిమాలాడు. అయితే సినిమా రిలీజ్ అనంతరం అయ్యో మంచి అవకాశం మిస్సయ్యామని కొందరు బయటకి చెప్పుకుంటే మరికొందరు లోలోపల అప్సెట్ అయ్యారు. 

ఆ సంగతి పక్కనపెడితే.. నేటితరం యువ నటీనటులు బాహుబలి 3 కోసం ఎదురుచూస్తున్నట్లు కామెంట్ చేస్తున్నారు. రీసెంట్ గా నిధి అగర్వాల్ కూడా అదే కామెంట్ చేసింది. దీంతో నెటిజన్స్ ఆ కామెంట్ పై ట్రోల్ చేస్తూ.. నీ కోసం బాహుబలి 3 తియ్యాలా అని కామెంట్ చేస్తున్నారు. బాహుబలి రెండు బాగాలకే ఎండ్ కార్డ్ పెట్టేసిన జక్కన్న మళ్ళీ ఆ కథకు జోలికి వెళ్లనని  కుండ బద్దలు కొట్టాడు.

దీంతో మరో పార్ట్ ఉండదని జనాలకు ఇప్పటికే క్లారిటీ వచ్చేసింది. అయినప్పటికీ కావాలని కొందరు బాహుబలి పేరెత్తి జనాల దృష్టిని ఆకర్షిస్తున్నారు. ఆ బాహుబలి 3లో నటించాలని ఉందని ఎవరికీ వారే స్టేట్మెంట్ లు ఇస్తున్నారు. ఈ కామెంట్ ఇప్పటికే ఆడియెన్స్ కి బోర్ కొట్టేసింది. 

బాహుబలిని మరచిపోయిన జక్కన్న RRR సినిమాతో బిజీగా ఉన్నాడు. కావాలంటే ఆ సినిమాలో నటించాలని ఉందని చెబితే ఆడియెన్స్ సపోర్ట్ తో జక్కన్న  ఆలోచించే అవకాశం ఉంటుంది. అంతేగాని అంతా అయిపోయిన కథ గురించి కామెంట్ చేస్తే లాభం ఏముంటుందని పలువురు అభిప్రాయపడుతున్నారు.