నందమూరి కళ్యాణ్ రామ్ చివరగా నటించిన చిత్రం డెవిల్. గత ఏడాది చివర్లో విడుదలైన ఈ చిత్రాన్ని బాక్సాఫీస్ వద్ద షాక్ తప్పలేదు. కళ్యాణ్ రామ్ కెరీర్ లోనే భారీ బడ్జెట్ లో తెరకెక్కిన చిత్రం ఇది.
నందమూరి కళ్యాణ్ రామ్ చివరగా నటించిన చిత్రం డెవిల్. గత ఏడాది చివర్లో విడుదలైన ఈ చిత్రాన్ని బాక్సాఫీస్ వద్ద షాక్ తప్పలేదు. కళ్యాణ్ రామ్ కెరీర్ లోనే భారీ బడ్జెట్ లో తెరకెక్కిన చిత్రం ఇది. ఈ చిత్రం బ్యాడ్ మూవీ అయితే కాదు.. కానీ ఆ బడ్జెట్ కి తగ్గట్లుగా బజ్ క్రియేట్ చేయడంలో, ప్రమోషన్స్ లో చిత్ర యూనిట్ వెనుకబడింది.
అదే విధంగా దర్శకుడి విషయంలో నెలకొన్న వివాదం కూడా ఈ చిత్రానికి మైనస్ అయింది. కథని ఇంకాస్త ఎఫెక్టివ్ గా చెప్పి, ప్రమోషన్స్ చేసి ఉంటే పరిస్థితి కాస్త మెరుగ్గా ఉండేది. చూసిన వారంతా డీసెంట్ మూవీ అని అన్నారు. ఎలాగైతే నేం సినిమాకి ఆశించిన రిజల్ట్ రాలేదు. ఓటిటిలో పర్వాలేదనిపించింది.
అయితే రీసెంట్ గా బుల్లితెరపై డెవిల్ చిత్రానికి ఊహించని షాక్ ఎదురైంది. ఈటీవీ ఈ చిత్ర శాటిలైట్ హక్కులని భారీ ధర వెచ్చించి సొంతం చేసుకుంది. కానీ ఈ చిత్రానికి మినిమమ్ టీఆర్పీ క్కూడా దక్కలేదు. ఈ చిత్రాన్ని ఫస్ట్ టైం టెలికాస్ట్ చేసినప్పుడు కేవలం 1.86 రేటింగ్ నమోదైనట్లు తెలుస్తోంది.
మరీ టీఆర్పీ రేటింగ్ దారుణంగా నమోదు కావడంతో అంతా షాక్ అవుతున్నారు. దీనికి సినీ వర్గాల్లో ఆసక్తికర విశ్లేషణ సాగుతోంది. బుల్లితెరపై మంచి టీఆర్పీ రావాలంటే ఫ్యామిలీ ఆడియన్స్ కి నచ్చే అంశాలు ఉండాలి. కానీ డెవిల్ చిత్రంలో ఫ్యామిలీ ఆడియన్స్ ని ఆకర్షించేలా ఎలాంటి అంశాలు లేవు. బహుశా టిఆర్పి రేటింగ్ ఇంత దారుణంగా పడిపోవడానికి కారణం అదే అయి ఉండొచ్చని అంటున్నారు.