బాక్స్ ఆఫీస్: ఫస్ట్ ప్లేస్ కంగనాదే!

బాలీవుడ్ బాక్స్ ఆఫీస్ లో కంగనా రనౌత్ మరోసారి తన సత్తా చాటింది. రీసెంట్ గా విడుదలైన మణికర్ణిక సినిమా బాక్స్ ఆఫీస్ కలెక్షన్స్ తో దూసుకుపోతోంది. ఈ దెబ్బతో ఉమెన్ సెంట్రిక్ సినిమాల స్థాయి పెరిగిందని చెప్పవచ్చు. ఈ సినిమా ఫస్ట్ వీకెండ్ లో 42 కోట్ల వసూళ్లను అందుకొని టాప్ 1 లో నిలిచింది. 

ఇక మొదటి 7 రోజుల రికార్డ్ ను చూసుకుంటే మణికర్ణిక 61 కోట్లను టచ్ చేసి రెండవ స్థానంలో నిలిచింది. ఆమె నటించిన తను వెడ్స్ మను(70కోట్లతో) మొదటి స్థానంలో ఉంది. వీరే ది వెడ్డింగ్ - రాజి అలాగే సిల్క్ స్మితా బయోపిక్ ద డర్టీ పిక్చర్ వంటి సినిమాలు టాప్ లిస్ట్ లో ఉన్నాయి. ఈ సినిమాలన్నీ బాలీవుడ్ హీరోల సినిమాలకు ఏ మాత్రం తీసిపోకుండా ఓపెనింగ్స్ ను అందుకున్నాయి. 

ఫస్ట్ వీకెండ్ లో టాప్ లో నిలిచినా ఉమెన్ సెంట్రిక్ సినిమాలు ఇవే. మణికర్ణిక (42.55కోట్లు) -  తను వెడ్స్ మను(38.05కోట్లు) - వీరే ది వెడ్డింగ్(36.52కోట్లు) -రాజీ(32.94కోట్లు) - ద డర్టీ పిక్చర్(32.70కోట్లు) వంటి హీరోయిన్ డామినేషన్ సినిమాలు బాక్స్ వద్ద మంచి హిట్ గా నిలిచాయి. మణికర్ణిక వసూళ్లు చూస్తుంటే కంగనా కెరీర్ లో టాప్ గ్రాస్ అందుకునే విధంగా ఉందని టాక్ వస్తోంది