మంచు మనోజ్ పోస్ట్ చేసిన పిక్ వైరల్

వైరల్ అవుతున్న పిక్... ఫ్యాన్స్ క్రియేటివిటి సూపర్ అన్న మంచు మనోజ్

ఎప్పుడో స్వర్గస్తులైన నందమూరి హరికృష్ణ, నిన్న జరిగిన 'ఆర్ఆర్ఆర్' షూటింగ్ ప్రారంభోత్సవంలో చిరంజీవితో పాటు కనిపించడం ఏంటని అనుకుంటున్నారా? దాన్ని మంచు మనోజ్ పోస్ట్ చేయడం ఏంటని కన్ ఫ్యూజ్ గా ఉందా? ఎవరో అభిమాని ఇలా ఓ ఫోటోను సృష్టించి సామాజిక మాధ్యమాల్లో పోస్టు చేయగా, అది అలా ఇలా పాకి మంచు మనోజ్ దృష్టికి వెళ్లింది. దీంతో ఈ పిక్ ను తన ట్విట్టర్ ఖాతాలో మనోజ్ పోస్టు చేశాడు. ఈ పిక్ చూసేందుకు చాలా బాగుందని చెప్పాడు. సూపర్ టీమ్ 'ఆర్ఆర్ఆర్'కు శుభాభినందనలు తెలిపాడు. చిత్ర టీమ్ కు భగవంతుడు శక్తిని ఇవ్వాలని కోరుకుంటున్నట్టు తెలిపాడు.