బాలీవుడ్ ఇప్పుడు బాహుబలిని టార్గెట్ గా పెట్టుకున్నట్లు ఉంది. భారీతనంతో పెయింటింగ్ లాంటి విజువల్స్ తో మరో చిత్రాన్ని దింపుతోంది. బ్రిటీష్ కాలం నాటి లవ్ స్టోరీ తో మన ముందుకు వస్తున్న చిత్రం ‘కళంక్‌’. ఈ చిత్రంపై సినిమా ప్రారంభం రోజు నుంచి అంచనాలు ఉన్నాయి.
బాలీవుడ్ ఇప్పుడు బాహుబలిని టార్గెట్ గా పెట్టుకున్నట్లు ఉంది. భారీతనంతో పెయింటింగ్ లాంటి విజువల్స్ తో మరో చిత్రాన్ని దింపుతోంది. బ్రిటీష్ కాలం నాటి లవ్ స్టోరీ తో మన ముందుకు వస్తున్న చిత్రం ‘కళంక్‌’. ఈ చిత్రంపై సినిమా ప్రారంభం రోజు నుంచి అంచనాలు ఉన్నాయి. ఆ అంచనాలకు తగ్గట్లే సంజయ్ లీలా భన్సాలీ మేకింగ్ ని గుర్తు చేస్తూ ఈ చిత్రం తెరకెక్కింది. ఆ సినిమాకు సంభందించిన టీజర్ రిలీజ్ చేసారు. టీజర్ కు మంచి రెస్పాన్స్ వస్తోంది. ఆ టీజర్ ని మీరు ఇక్కడ చూడవచ్చు.
మాధురీ దీక్షిత్‌, సంజయ్ దత్‌, ఆలియా భట్‌, వరుణ్‌ ధావన్‌, సోనాక్షి సిన్హా, ఆదిత్య రాయ్‌ కపూర్‌ ప్రధాన పాత్రల్లో నటించిన చిత్రం ‘కళంక్‌’. అభిషేక్‌ వర్మన్‌ ఈ చిత్రానికి దర్శకత్వం వహించారు. కాగా.. ‘కళంక్‌’ టీజర్‌ను చిత్ర యూనిట్ మంగళవారం విడుదల చేసింది.
1945లో, భారతదేశానికి స్వాతంత్రం రాకముందు ఓ యువరాణికి, ఓ సాధారణ వ్యక్తికి మధ్య పుట్టిన ప్రేమకథ నేపథ్యంలో సినిమాను తెరకెక్కించారు. ఈ సినిమాలో రూప్‌ అనే యువరాణి ఆలియా పాత్రలో నటించారు. టీజర్‌లోని ప్రతి సీన్ చాలా థ్రిల్లింగ్ గా, సినిమాపై ఎక్సపెక్టేషన్స్ పెంచే విధంగా ఉంది.
‘ఒకరిని నాశనం చేస్తేనే అది మన విజయం అవుతుందంటే.. ఈ ప్రపంచంలో మనకంటే ఓటమిపాలైనవారు మరొకరుండరు’ అంటూ టీజర్ చివర్లో వచ్చిన డైలాగ్‌ హైలైట్‌గా నిలిచింది. ఏప్రిల్‌లో సినిమాను ప్రేక్షకుల ముందుకు తీసుకురానున్నారు.