☰
‘జవాన్’ చిత్రం రేపు గ్రాండ్ గా రిలీజ్ కాబోతోంది. ఈ సందర్భంగా సూపర్ స్టార్ మహేశ్ బాబు విషెస్ తెలిపారు. మరోవైపు ఈ మూవీ అడ్వాన్స్డ్ బుకింగ్స్ లో రచ్చ లేపుతోంది. ఓపెనింగ్ డేకు లక్షల్లో టికెట్స్ అమ్ముడుపోయాయి.
బాలీవుడ్ బాద్షా, కింగ్ ఖాన్, స్టార్ హీరో షారుఖ్ ఖాన్ (Shah Rukh Khan) నటించిన యాక్షన్ ఫిల్మ్ ‘జవాన్’ రేపు విడుదల కాబోతోంది. పాన్ ఇండియా స్థాయిలో రిలీజ్ అవుతోంది. భారీ అంచనాలతో రేపు (సెప్టెంబర్7న) ప్రేక్షకు ముందుకు రానుంది. ఈ సినిమాపై ఫ్యాన్స్ తో పాటు సాధారణ ఆడియెన్స్ కూడా చాలా ఆసక్తి చూపిస్తన్నారు. ఈ క్రమంలో హ్యూజ్ గా అడ్వాన్డ్స్ బుక్కింగ్స్ కొనసాగుతున్నాయి. ఓపెనింగ్ డేరోజున ‘జవాన్’ రికార్డు స్థాయిలో బుకింగ్స్ ను అందుకుంది.
నేషనల్ వైడ్ గా వారంలో జవాన్ టిక్కెట్ బుకింగ్స్ విక్రయాలు జోరుగా కలిగి ఉంది. PVRInoxలో ఓపెనింగ్ డే కోసం 3,20,000 టిక్కెట్లు అమ్ముడయ్యి. ఇక శుక్రవారం 81,000 టిక్కెట్లు, శనివారం 1,08,000, ఆదివారం 98,500 టిక్కెట్లు విక్రయించారు. సినీపోలీస్ విషయానికి వస్తే గురువారం 70,000, శుక్రవారం 16,000, శనివారం 22,000, ఆదివారం 18,500 టిక్కెట్లు అమ్ముడయ్యాయినట్టు తెలుస్తోంది. జవాన్ సినిమా మొత్తం వీకెండ్ కు సంబంధించిన నార్త్ లో 7,25,000 టిక్కెట్లు అమ్ముడైనట్టు తెలుస్తోంది.
దీంతో ఈ చిత్రం ‘బాహుబలి2‘, ‘గదర్2‘, ‘పఠాన్’ అడ్వాన్డ్స్ బుకింగ్స్ రికార్డులను కూడా బ్రేక్ చేసిందని తెలుస్తోంది. దీంతో బాక్సాఫీస్ కలెక్షన్లలోనూ ఈ చిత్రం సరికొత్త రికార్డులు క్రియేట్ చేయబోతుందని నమ్ముతున్నారు. ఈ చిత్రం రేపు విడుదల కాబోతుండటంతో సూపర్ స్టార్ మహేశ్ బాబు (Mahesh Babu) షారుఖ్ ఖాన్ కు ఆల్ ది బెస్ట్ తెలిపారు. ఈ సందర్భంగా ఇంట్రెస్టింగ్ ట్వీట్ చేశారు. ‘ఇది జవాన్ టైమ్.. షారుఖాన్ శక్తిని చూపించే సమయం. చిత్ర టీమ్‌కి ఆల్ ది బెస్ట్. అన్ని మార్కెట్‌లలో ఆల్-టైమ్ బ్లాక్‌బస్టర్ విజయాన్ని సాధించాలని కోరుకుంటున్నాను. కుటుంబ సభ్యులతో కలిసి సినిమా చూడాలని ఎదురుచూస్తున్నాను!!’ అంటూ ట్వీట్ లో పేర్కొన్నారు.
ప్రస్తుతం మహేశ్ బాబు ట్వీట్ వైరల్ గా మారింది. షారుఖ్ ఖాన్ ను ట్యాగ్ చేస్తూ సూపర్ స్టార్ ట్వీట్ చేయడంతో ఆయన స్పందించారు. రిప్లై ఇస్తూ.. ‘నా మిత్రుడికి చాలా ధన్యవాదాలు. మీరు సినిమాను ఎంజాయ్ చేస్తారని ఆశిస్తున్నాను. మూవీ చూస్తున్నప్పుడు నాకు చెప్పండి. నేనూ మీతో వచ్చి చూస్తాను. మీకు, మీ కుటుంబానికి ధన్యవాదాలు తెలుపుతున్నాను.’ అంటూ బదులిచ్చారు.
అట్లీ దర్శకత్వంలో Jawan ప్రేక్షకుల ముందుకు రాబోతోంది. షారుఖ్ ఖాన్ సరసన నయనతార తొలిసారి హీరోయిన్ గా నటించింది. విజయ్ సేతుపతి విలన్ పాత్ర పోషించారు. ఈ యాక్షన్ ఫిల్మ్ నుంచి ఇప్పటికే వచ్చిన ప్రివ్యూ, ట్రైలర్ కు దుమ్ములేచిపోయే రెస్పాన్స్ దక్కింది. ట్రైలర్ ఒక్క రోజులోనే 102 మిలియన్ల వ్యూస్ ను క్రాస్ చేసి సెన్సేషన్ క్రియేట్ చేసింది. దీంతో ఈ సినిమాపై ఎంతటి అంచనాలు ఉన్నాయో అర్థం చేసుకోవచ్చు. ఈ యాక్షన్ డ్రామాను రెడ్ చిల్లీస్ బ్యానర్ పై రూ.300 కోట్లతో షారుఖ్ ఖాన్ భార్య గౌరీ ఖాన్ నిర్మించడం విశేషం.
Thank u so much my friend. Hope you enjoy the film. Let me know when you are watching I will come over and watch it with you. Love to you and the family. Big hug. https://t.co/xW0ZD65uvk
— Shah Rukh Khan (@iamsrk)
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి