జైలర్ నటుడి పెళ్లి వీడియో వైరల్.. అప్పుడే హనీమూన్ వెళ్లిపోయారుగా..
సారాంశం
ఏడాది కాలంగా రిలేషన్ లో ఉన్న వీరిద్దరూ ఎట్టకేలకు వివాహ బంధంతో ఒక్కటయ్యారు. పెళ్ళైన రెండు రోజులకే కొత్త జంట హనీమూన్ వెళ్లారు.
చిత్ర పరిశ్రమలో ప్రస్తుతం వరుసగా పెళ్లిళ్లు జరుగుతున్నాయి. ప్రస్తుతం తమిళనాట కమెడియన్ రెడిన్ కింగ్స్ లీ పేరు ప్రధానంగా వినిపిస్తోంది. నెల్సన్ దిలీప్ కుమార్ తెరకెక్కించిన డాక్టర్, బీస్ట్ అలాగే రీసెంట్ బ్లాక్ బస్టర్ జైలర్ చిత్రాల్లో రెడిన్ నటించిన సంగతి తెలిసిందే.
జైలర్ చిత్రంలో సునీల్ దగ్గర ఉంటూ ద్రోహి అంటూ ఫన్నీగా డైలాగ్ చెప్పే పాత్రలో రెడిన్ నటించాడు. అయితే రెడిన్ తాజాగా వివాహ బంధంలోకి అడుగుపెట్టాడు. ప్రస్తుతం రెడిన్ వయసు 46 ఏళ్ళు. లేటు వయసులో రెడిన్ ఓ ఇంటివాడు కావడంతో ఆ దృశ్యాలు సోషల్ మీడియాలో తెగ వైరల్ అవుతున్నాయి. డిసెంబర్ 10న రెడిన్ సంగీత అనే బుల్లితెర నటిని వివాహాం చేసుకున్నాడు.
మైసూరులోని చాముండేశ్వరి ఆలయంలో వీరిద్దరి వివాహం జరిగింది. కేవలం కుటుంబ సభ్యుల సమక్షంలోనే వీరిద్దరి పెళ్లి నిడారంబరంగా జరిగింది. సంగీతా వి పలు టివి సీరియల్స్ లో నటిస్తోంది. ఆమె మోడల్ కూడా. సంగీత సీరియల్స్ లోనే కాకుండా సినిమాల్లో కూడా చిన్న పాత్రలు చేస్తోంది. విజయ్ మాస్టర్ చిత్రంలో ఆమె నటించింది. ఆమె వయసు కూడా 45 ప్లస్ అని తెలుస్తోంది.
ఏడాది కాలంగా రిలేషన్ లో ఉన్న వీరిద్దరూ ఎట్టకేలకు వివాహ బంధంతో ఒక్కటయ్యారు. పెళ్ళైన రెండు రోజులకే కొత్త జంట హనీమూన్ వెళ్లారు. హనీమూన్ లో రెడిన్ భార్యతో సరదాగా గడుపుతున్నట్లు దృశ్యాలు సోషల్ మీడియాలో పోస్ట్ చేశారు.
ఇక సంగీత తన పెళ్లి వీడియోల్ని, ఫోటోలని సోషల్ మీడియాలో అభిమనులతో పంచుకుంటోంది. ఎంతో బ్యూటిఫుల్ గా ఉన్న పెళ్లి ఫోటోలు నెటిజన్లని ఆకట్టుకుంటున్నాయి.