తమిళ హీరోయిన్ కిడ్నాప్? పోలీసుల గాలింపు.. ఎంత కంగారు పెట్టిందిరా నాయన! ఏమైందంటే?
By Asianet News | First Published May 21, 2023, 6:35 PM ISTతెలుగు చిత్రాల్లోనూ నటించిన కోలీవుడ్ హీరోయిన్ సునైనా రెండురోజులుగా కనిపించడం లేదని వార్తలు వస్తున్నాయి. ఆమె ఆచూకీ కోసం పోలీసులు కూడా గాలిస్తున్నారని అంటున్నారు. ఈమేరకు తాజా సమాచారం అందింది.
కోలీవుడ్ హీరోయిన్ గా గుర్తింపు తెచ్చుకున్న నటి సునైనా (Sunaina) రెండు రోజులుగా కనిపించడం లేదనే వార్త సంలచనంగా మారింది. తమిళంలో వరుస చిత్రాలతో అలరిస్తూ వస్తున్న ఈ ముద్దుగుమ్మ ఉన్నట్టుండి మిస్సింగ్ అంటూ సినీ వర్గాల్లో ప్రచారం జరుగుతోంది. నటికి సంబంధించిన ఓ వీడియో కూడా సోషల్ మీడియాలో వైరల్‌గా మారింది. రెండు రోజుల క్రితం నటి సునైనా కిడ్నాప్‌కు గురైందంటూ ఓ వార్త ప్రచారంలోకి వచ్చింది. దీంతో పోలీసులు కూడా ఆమె కోసం గాలిస్తున్నట్టు వార్తలు వచ్చాయి.
అయితే ఓ ఫేక్ న్యూస్ ఛానల్ స్పష్టం చేసిన వీడియోలో ఈ వార్త వైరల్ గా మారిందని తెలుస్తోంది. తాజాగా నటి గుర్తించబడిందని, ఆమె దీనిపై స్పందించినట్టు కూడా సమాచారం. తను నెక్ట్స్ చేయబోయే సినిమా కోసం తనను తానే స్వీయ నిర్భంధం చేసుకున్నట్టు తెలుస్తోంది. ఆమె మాట్లాడుతూ.. ‘నేను ఒక సినిమా షూటింగ్‌లో ఉన్నాను. ఇది నా కెరీర్‌లో ముఖ్యమైన సినిమా. నా కెరీర్‌కి కూడా ఈ పాత్ర చాలా ముఖ్యం. కాబట్టి, నేను ఏకాగ్రత కోసం ప్రయత్నిస్తున్నాను. దాంతో నాకు నేనే స్వీయ నిర్భంధం చేసుకోవాల్సి వచ్చింది. నేను ఆ వార్తలపై స్పందించే అవకాశం లేకుండా పోయింది‘ అంటూ చెప్పుకొచ్చినట్టు తెలుస్తోంది.
Latest Videos
మరోవైపు కోలీవుడ్ లో వరుసగా ఆఫర్లు అందుకుంటున్న ఈ ముద్దుగుమ్మ నెక్ట్స్ సెల్వ డైరెక్టర్ తెరకెక్కిస్తున్న ‘రెజీనా’ Reginaలో నటిస్తోంది. ఈ చిత్ర ప్రమోషన్స్ లో భాగంగా ఇలా చేసిందంటూ కూడా వార్తలు వినిపిస్తున్నాయి. ఇలా చేసినందుకు సునైనాపై అభిమానులతో పాటు నెటిజన్లు తీవ్రంగా మండిపడుతున్నారు. ఈ క్రమంలో వారికి సునైనా క్షమాపణలు కూడా చెప్పినట్టు తెలుస్తోంది.
సునైనా పలు తెలుగు, మలయాళం, కన్నడ చిత్రాలలో నటించిన ప్రముఖ నటి. ‘కుమార్ Vs కుమారి’ తెలుగు చిత్రంతోనే హీరోయిన్ గా వెండితెరకు పరిచయం అయ్యింది. అలాగే తెలుగులో వచ్చిన ‘సంథింగ్ స్పెషల్’, ‘10th క్లాస్’, ‘పెళ్లికి ముందు ప్రేమ కథ’, ‘రాజ రాజ చోరా’ వంటి చిత్రాలతో అలరించింది. మరోవైపు తెలుగు వెబ్ సిరీస్ లు ‘చదరంగం’, ‘మీట్ క్యూట్’లోనూ నటించింది. తమిళ స్టార్ విశాల్ రీసెంట్ మూవీ ‘లాఠీ‘లోనూ నటించింది. ఎక్కువగా ఈ బ్యూటీ తమిళ సినిమాల్లోనే నటించి మెప్పిస్తోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి