Varsha Bollamma:బుగ్గలు పెరిగితే గర్భం వచ్చినట్లేనా... దేవరకొండ హీరోయిన్ ఫైర్!

యంగ్ హీరోయిన్ వర్ష బొల్లమ్మ తన పెళ్లి, ప్రెగ్నెన్సీ వంటి విషయాలపై కీలక వ్యాఖ్యలు చేశారు. తాను గర్భం దాల్చానని వచ్చిన వార్తలకు కారణం స్వయంగా తెలియజేశారు. వర్ష బొల్లమ్మ లేటెస్ట్ కామెంట్స్ వైరల్ గా మారాయి.   

చూసి చూడంగానే చిత్రంతో టాలీవుడ్ లో అడుగుపెట్టిన వర్ష(Varsha Bollamma)... విజయ్ విజిల్ మూవీలో ఫుట్ బాల్ ప్లేయర్ గా కనిపించారు. ఆమె లీడ్ హీరోయిన్ గా నటించిన మిడిల్ క్లాస్ మెలోడీస్ హిట్ టాక్ తెచ్చుకుంది. ఆనంద్ దేవరకొండ హీరోగా తెరకెక్కిన మిడిల్ క్లాస్ మెలోడీస్ ఓటీటీలో విడుదలై ప్రేక్షకాదరణ దక్కించుకుంది.అలాగే పుష్పక విమానం మూవీలో క్యామియో రోల్ చేసింది. అలాగే జాను మూవీలో ఓ రోల్ చేశారు. కాగా ఆమె లేటెస్ట్ మూవీ  ‘స్టాండప్‌ రాహుల్‌’ (Standup Rahul). రాజ్‌ తరుణ్‌ హీరోగా సాంటో దర్శకత్వంలో తెరకెక్కిన ఈ మూవీ మార్చి 18న విడుదల కానుంది. 

ఈ నేపథ్యంలో వర్ష, హీరో రాజ్‌ తరుణ్‌ (Raj Tarun)మూవీ ప్రమోషన్‌ కార్యక్రమాలలో పాల్గొంటున్నారు. ఈ క్రమంలో  రాజ్‌ తరుణ్‌, వర్షను ఇంటర్య్వూ చేశారు. అలాగే ఆమెను కొన్ని ఆసక్తికర ప్రశ్నలు అడిగారు. వీరిద్దరి ఇంటర్య్వూ మొత్తం ఫన్నీ కన్వర్జేషన్‌తో సాగుతూ ఆసక్తిని సంతరించుకుంది. ఈ మధ్య కాలంలో ఆమె గురించి ఎక్కువగా వార్తల్లో నిలిచిన, గూగుల్‌ సెర్చ్‌ చేసిన అంశాలపై రాజ్‌ తరుణ్‌, వర్షను ప్రశించాడు. అన్ని ప్రశ్నలకు వర్ష తనదైన స్టైల్లో సమాధానం ఇచ్చింది. 

కాగా తన పెళ్లి, ప్రెగ్నెంట్‌ వార్తలపై వర్ష అసహనం వ్యక్తం చేసింది. నాకు పెళ్లైయితే ఏంటీ, కాకపోతే ఏంటీ. అది నా వ్యక్తిగత విషయం అంటూ ఒకింత మీడియాపై ఫైర్ అయ్యారు. ఇంకా మాట్లాడుతూ...  పెళ్లి అయ్యింది, కానీ నిజంగా కాదు.. సినిమాల్లో అంటూ సెటైర్స్ వేసింది. ఇక ప్రెగ్నెంట్‌ విషయంపై స్పందిస్తూ.. ఇదంతా తన బుగ్గల వల్లే వచ్చిందని, చీక్స్‌ కాస్తా లావుగా ఉంటే ప్రగ్నెంట్‌ అని డిసైడ్‌ అవుతారా? అంటూ సమాధానం ఇచ్చింది.  అలాగే తన వయసు 25 అని, తను 1996లో పుట్టానని చెప్పింది. తన ఎత్తుపై అడిగిన ప్రశ్నకు.. హిల్స్‌ వేస్తే 6'1, లేకపోతే 5'11 అంటూ సరదాగా చెప్పుకొచ్చింది. 

మొత్తానికి తన ఎత్తు 5'3, 5'4 అంటూ రాజ్‌ తరుణ్‌ రివీల్‌ చేశాడు. ఇలా రాజ్‌ తరుణ్‌, వర్షల మధ్య జరిగిన ఈ ఫన్నీ ఇంటర్వ్యూ నెటిజన్లు ఆకట్టుకుంటోంది. కాగా ఈ మూవీని డ్రీమ్‌ టౌన్‌ ప్రొడక్షన్స్‌, హై ఫైవ్‌ పిక్చర్స్‌ బ్యానర్లో నంద్‌ కుమార్‌ అబ్బినేని, భరత్‌ మాగులూరి నిర్మిస్తున్నారు. వరుస పరాజయాలతో ఇబ్బంది పడుతున్న రాజ్ తరుణ్ ఈ మూవీతో బ్రేక్ వస్తుందని భావిస్తున్నారు. అలాగే 2015లో కోలీవుడ్ ద్వారా వెండితెరకు పరిచయమైన వర్ష కు సరైన బ్రేక్ రాలేదు. ఆమె సోలో హీరోయిన్ గా ఎదగలేకపోతున్నారు. వర్ష బొల్లమ్మ హీరోయిన్ గా సెల్ఫీ, స్వాతిముత్యం చిత్రాలు తెరకెక్కుతున్నాయి.