దేత్తడి హారిక ఎలిమినేటెడ్.. సీక్రెట్ హౌజ్లోకి?
సారాంశం
రెండో ఎలిమినేటర్ ఎవరనే ఉత్కంఠ అందరిలోనూ నెలకొంది. కుమార్ సాయి, అమ్మా రాజశేఖర్ పేర్లు వినిపిస్తున్నాయి. వీరిద్దరిలో ఎవరో ఒకరు కచ్చితంగా ఎలిమినేట్ కాబోతున్నారని ఊహాగనాలు వినిపిస్తున్నాయి.
బిగ్బాస్4 ప్రస్తుతం మరింత ఉత్కంఠభరితంగా సాగుతుంది. రెండో వారంలో ఇద్దరు ఎలిమినేట్ అవుతారనే విషయాన్ని బిగ్బాస్ నాగార్జున శనివారం స్పష్టం చేశారు. అంతేకాదు రెండో వారం ఫస్ట్ ఎలిమినేషన్గా కరాటే కళ్యాణిని ఇంటికి పంపించేశాడు. రెండో ఎలిమినేషన్ ఆ రాత్రి ఉండబోతుంది.
రెండో ఎలిమినేటర్ ఎవరనే ఉత్కంఠ అందరిలోనూ నెలకొంది. కుమార్ సాయి, అమ్మా రాజశేఖర్ పేర్లు వినిపిస్తున్నాయి. వీరిద్దరిలో ఎవరో ఒకరు కచ్చితంగా ఎలిమినేట్ కాబోతున్నారని ఊహాగనాలు వినిపిస్తున్నాయి. అయితే ఇందులో ఓ ట్విస్ట్ చోటుచేసుకోబోతుందట. ఎవరూ ఊహించిన విధంగా దేత్తడి హారిక ఎలిమినేట్ కాబోతుందని తెలుస్తుంది.
అయితే ఆమెని పూర్తిగా హౌజ్ నుంచి పంపించేయకుండా ఓ సీక్రెట్ హౌజ్లో ఉంచబోతున్నట్టు తెలుస్తుంది. మరి ఆ సీక్రెట్ హౌజ్లో ఆమె ఏం చేయబోతుంది? అందులో పెట్టడానికి రీజన్ ఏంటి? అనేది రాత్రి నాగ్ వివరిస్తాడని సమాచారం.
మరి ఆమె ప్రత్యేకమైన ఎలిమినేటరా? లేక రెండో వారం రెండో ఎలిమినేటరా? అన్నది సస్పెన్స్ నెలకొంది. మొత్తంగా ఈ ఆదివారం `బిగ్బాస్4` మరింత రసవత్తరంగా సాగబోతుందని చెప్పొచ్చు.