`సాహో` ప్లాఫ్ టాక్ విని హ్యాపీ ఫీలవుతున్నారా?
సారాంశం
‘బాహుబలి’ మూవీ తరువాత ప్రభాస్ నటించిన మూవీ ‘సాహో’. సుమారు రూ. 350 కోట్ల భారీ బడ్జెట్తో రూపొందించిన యాక్షన్ మూవీ ఈ రోజు (ఆగస్టు 30) తెలుగు, తమిళ్, హిందీ, కన్నడ, మలయాళ భాషల్లో విడుదల అయ్యింది. అయితే రిలీజ్ కు ముందు ఉన్న పాజిటివ్ బజ్తో ఒక్కసారిగా మాయమైంది.
‘బాహుబలి’ మూవీ తరువాత ప్రభాస్ నటించిన మూవీ ‘సాహో’. సుమారు రూ. 350 కోట్ల భారీ బడ్జెట్తో రూపొందించిన యాక్షన్ మూవీ ఈ రోజు (ఆగస్టు 30) తెలుగు, తమిళ్, హిందీ, కన్నడ, మలయాళ భాషల్లో విడుదల అయ్యింది. అయితే రిలీజ్ కు ముందు ఉన్న పాజిటివ్ బజ్తో ఒక్కసారిగా మాయమైంది. అన్ని వైపుల నుంచి ఈ సినిమా డిజాస్టర్ అన్న టాక్ స్ప్రెడ్ అయ్యిపోయింది. అయితే పెద్ద సినిమాలకు అలా జరగటం ఒక్కోసారి కామన్ కాబట్టి పెద్దగా ఆశ్చర్యపడాల్సిందేమీ లేదు. భారీగా వర్కవుట్ అవుతాయనుకున్న కొన్ని ఫాక్టర్స్ మిజరబుల్ గా ఫెయిలవ్వటం జరిగింది. అయితే ఈ ఫ్లాఫ్ కొంతమందిని ఆనందంలో ముంచెత్తుతోందని కథనాలు వస్తున్నాయి.
ఈ సినిమా రిలీజ్ కోసం మనకన్నా ఎక్కువగా బాలీవుడ్ ప్రేక్షకులు చూసారు. ఎందుకంటే `బాహుబలి` స్టార్ ప్రభాస్ దూసుకొస్తున్నాడు అంటూ గత కొంతకాలంగా ముంబై మీడియా ఓ రేంజిలో ప్రచారం చేస్తోంది. మరికొంత కాస్త ఉత్సాహం ఎక్కువై ఖాన్ ల రికార్డుల్ని కొట్టేయబోతున్నాన్నాడు అన్నారు. ఆ మీడియా మన ప్రభాస్ కి బోలెడంత అండగా నిలిచిందని సంబరపడేలోపలే కావాల్సిన డ్యామేజ్ జరిగిపోయింది. ఇది చాలా మంది బాలీవుడ్ స్టార్స్ అభిమానులకు మండేలా చేసింది. వాళ్లు సైలెంట్ గా ఈ సినిమా కోసం ఎదురుచూస్తున్నారు.
ఈ నేపధ్యంలో సినిమాలో కంటెంట్ లేకపోవటంతో వెలాతెలాపోయింది. ఇఫ్పుడు వారికి అదే ఆనందానికి కారణమవుతోందిట. సోషల్ మీడియాలో సాహో పై ఓ రేంజిలో చెలరేగిపోతూ తమ ఆనందాన్ని వ్యక్తం చేస్తున్నారట. ఖాన్స్ తో పోటీ పడేటంత గొప్పవాడా ప్రభాస్ అంటూ విరుచుకుపడుతున్నారు. బాలీవుడ్ క్రిటిక్స్ సైతం ఈ సినిమాని చెత్త సినిమా అంటూ తీసిపారేస్తున్నారు. ఇది ఇంకా ఆనందాన్ని కలగచేస్తోంది ఆ ఫ్యాన్స్ కు. అదృష్టవశాత్తు తెలుగులో ఆ కల్చర్ ఇంకా మొదలు కాలేదు.