బిగ్ బాస్2: షోని వెంటనే ఆపేయమంటున్నారు!

ప్రముఖ ఎంటర్టైన్మెంట్ ఛానెల్ వారు బిగ్ బాస్ షోని నిర్వహిస్తోన్న సంగతి తెలిసిందే. సీజన్ 1తో పోలిస్తే సీజన్ 2లో మసాలా కొంచెం ఎక్కువైంది. ఈ షోకి ఏ రేంజ్ లో పాపులారిటీ దక్కిందో అదే రేంజ్ లో విమర్శలు కూడా వస్తున్నాయి. తాజాగా హైకోర్టు లాయర్ రాపోలు భాస్కర్ ఈ షోని వెంటనే ఆపేయాలంటూ మానవ హక్కుల కమీషన్ ను ఆశ్రయించారు.

బిగ్ బాస్ ప్రోగ్రాం పేరుతో 16 మందిని ఒకేఇంట్లో బంధించి సొసైటీకి ఏమాత్రం పనికిరాని విషయాలను ప్రసారం చేస్తున్నారంటూ ఆయన అంటున్నారు. ఈ షోతో కొందరి మనోభావాలు దెబ్బ తింటున్నాయని, కుటుంబ వ్యవస్థను నాశనం చేసే విధంగా ఉంటోందని లాయర్ భాస్కర్ తీవ్ర వ్యాఖ్యలు చేశారు. యువతను చెడు మార్గాల వైపు నడిపిస్తోన్న ఈ షోని వెంటనే నిలిపివేయాలని ఆయన కోరుతున్నారు.

మరి ఈ వ్యవహారంపై మానవ హక్కుల కమీషన్ అలానే ఈ షో నిర్వాహకులు ఎలా స్పందిస్తారనేది చూడాలి. గతంలో కూడా ఇలానే కొన్ని టీవీ షోలపై నిషేధం విధించాలని కొందరు కంప్లయింట్లు చేశారు.