Bigg Boss Telugu 8 live Updates|Day 32: హౌస్ లో మిడ్ వీక్ ఎలిమినేషన్ తుఫాన్..

బిగ్ బాస్ తెలుగు సీజన్ 8 లో 32 వ రోజు రసవత్తర పరిణామాలు చోటు చేసుకోబోతున్నాయి. మిడ్ వీక్ ఎలిమినేషన్ ఉండబోతోంది. దీనితో పాటు ఇంటి సభ్యులు కొత్త చీఫ్ అయ్యేందుకు ప్రయత్నిస్తున్నారు. ఈ క్రమంలో 32 వ రోజుకి సంబంధించిన ప్రోమో విడుదలయింది. ఈ ప్రోమోలో ప్రేరణ చీఫ్ అయ్యేందుకు గట్టి ప్రయత్నం చేస్తోంది. ఆదిత్య ఓం ఆమెకి సపోర్ట్ చేస్తున్నారు. ఈ హౌస్ లో ఫిమేల్ చీఫ్ ఉండాలని కోరుకుంటున్నట్లు ఆదిత్య తెలిపారు. 

మిడ్ వీక్ ఎలిమినేషన్ లో భాగంగా ముందుగా ఆదిత్య ఓంని గురువారం ఎపిసోడ్ లో ఎలిమినేట్ చేశారట. శనివారం రోజు నైనికా ఎలిమినేషన్ జరుగుతుంది. అయితే ఆదిత్య హౌస్ నుంచి బయటకి వెళతాడు కానీ పబ్లిక్ లోకి రాడు అని అంటున్నారు. శనివారం ఎపిసోడ్ వరకు నిర్వాహకులు అతడిని సీక్రెట్ గా ఉంచి.. శనివారం ఎపిసోడ్ లో వేదికపైకి పంపించబోతున్నారు అని సమాచారం. ఆదిత్య ఓం హౌస్ లో హైయెస్ట్ పైడ్ కంటెస్టెంట్స్ లో ఒకరు. కానీ అతడి పెర్ఫామెన్స్ మాత్రం ఏమాత్రం ఆకట్టుకునే విధంగా లేదు.

బిగ్ బాస్ హౌస్ లో మిడ్ వీక్ ఎలిమినేషన్, డేంజర్ జోన్ లో ఆ ఇద్దరు..ఎలిమినేట్ అయింది ఎవరో తెలుసా

బిగ్ బాస్ తెలుగు సీజన్ 8లో ఊహించని టిస్టులు ఉంటాయనే మాటని నాగార్జున నిలబెట్టుకుంటున్నారు. బిగ్ బాస్ హౌస్ లోకి వైల్డ్ కార్డు ఎంట్రీ రూపంలో కొంత మంది సభ్యులు ఎంట్రీ ఇచ్చేందుకు రెడీ అవుతున్నారు. వాళ్లెవరనేది సస్పెన్స్. వైల్డ్ కార్డు ఎంట్రీగా ఎవరు రాబోతున్నారు అనేది ప్రస్తుతానికి సస్పెన్స్. అయితే గురువారం రోజు మిడ్ వీక్ ఎలిమినేషన్ ఉంటుందని నాగార్జున ఆల్రెడీ ప్రకటించిన సంగతి తెలిసిందే. వైల్డ్ కార్డు ఎంట్రీలు రావాలంటే హౌస్ లో ఉన్న వారు కొంత మందిని ఎలిమినేట్ చేయక తప్పదు. మిడ్ వీక్ ఎలిమినేషన్ లో భాగంగా ఎవరు ఎలిమినేట్ అవుతారనేది ఉత్కంఠగా మారింది. డేంజర్ జోన్ లో అయితే నైనికా, ఆదిత్య ఉన్నారు.