ప్రియా ప్రకాష్ కోసం అల్లు అర్జున్!

మలయాళ బ్యూటీ ప్రియా ప్రకాష్ వారియర్ ఒక్క వీడియోతో ప్రపంచవ్యాప్తంగా గుర్తింపు సంపాదించుకుంది. కొంటెగా కన్నుకొడుతూ, తన వాలుచూపులతో యూత్ మొత్తాన్ని తనవైపు తిప్పుకుంది.

అంతగా తనను ఫేమస్ చేసిన వీడియో 'ఒరు అడార్ లవ్' సినిమాలో ఒక పాటలోనిది. ఇప్పుడు ఆ సినిమా కూడా రిలీజ్ కు సిద్ధమవుతోంది. తెలుగులో 'లవర్స్ డే' పేరుతో సుఖీభవ సంస్థ విడుదల చేస్తోంది. ఎ.గురురాజ్, సి.హెచ్.వినోద్ రెడ్డి నిర్మాతలుగా వ్యవహరిస్తున్నారు.

ఒమర్ లులు డైరెక్ట్ చేసిన ఈ సినిమా ఆడియో విడుదల కార్యక్రమం జనవరి 23న నిర్వహించనున్నారు. ఈ వేడుకకు ముఖ్య అతిథిగా స్టైలిష్ స్టార్ అల్లు అర్జున్ రాబోతున్నట్లు  తెలుస్తోంది. ఈ విషయాన్ని అధికారికంగా ప్రకటిస్తూ చిత్రబృందం ప్రకటించింది. ఫిబ్రవరి 14న ప్రేమికుల సందర్భంగా ఈ సినిమాను విడుదల చేస్తున్నారు.