వైష్ణవ్ - శ్రీలీలా ‘ఆదికేశవ’ నుంచి ఫస్ట్ సింగిల్.. ప్రోమో వచ్చింది.. ఫుల్ సాంగ్ ఎప్పుడంటే?
By Asianet News | First Published Sep 6, 2023, 6:13 PM ISTపంజా వైష్ణవ్ తేజ్ - శ్రీలీలా జంటగా నటిస్తున్నచిత్రం ‘ఆదికేశవ’. ఈ చిత్రం నుంచి వరుస అప్డేట్స్ అందుతున్నాయి. తాజాగా చిత్ర యూనిట్ ఫస్ట్ సింగిల్ ప్రోమోను విడుదల చేసి.. సినిమాపై ఆసక్తిని పెంచారు.
‘ఉప్పెన’ తర్వాత అలాంటి హిట్ కోసం ఎదురుచూస్తున్నాడు పంజా వైష్ణవ్ తేజ్ (Vaishnav Tej). చివరిగా వచ్చిన రెండు చిత్రాలు ‘రంగరంగ వైభవంగా’, ‘కొండపొలం’ చిత్రాలు డిజాస్టర్ గా నిలిచాయి. ఈ క్రమంలో నెక్ట్స్ మూవీతో ఎలాగైన హిట్ కొట్టాలని చూస్తున్నాడు మెగా యంగ్ హీరో. ఈ క్రమంలో ‘ఆదికేశవ’ అనే చిత్రంతో త్వరలో ప్రేక్షకుల ముందుకు రాబోతున్నాడు. సినిమాపై మొదటి నుంచి మంచి బజ్ క్రియేట్ అవుతోంది.
ప్రముఖ సినీ నిర్మాణ సంస్థ సితార ఎంటర్‌టైన్‌మెంట్స్‌, ఫార్చూన్‌ ఫోర్‌ సినిమాస్ తో కలిసి సంయుక్తంగా నిర్మిస్తున్నచిత్రమే Aadhikeshava. పంజా వైష్ణవ్ తేజ్ హీరోగా నటిస్తున్నారు. టాలీవుడ్ యంగ్ సెన్సేషన్ శ్రీలీలా (Sreeleela) జంటగా నటిస్తోంది. ఎన్ శ్రీకాంత్ రెడ్డి ఈ చిత్రాన్ని డైరెక్ట్ చేస్తున్నారు. గ్రాండ్ గా రూపుదిద్దుకుంటున్న సినిమాకు మ్యూజిక్ సెన్సేషన్ జీవీ ప్రకాష్ సంగీతం అందిస్తుండటం విశేషం.
Latest Videos
undefined
చిత్రం విడుదలకు ఇంకా రెండు నెలల సమయం ఉంది. దీంతో ఇప్పటి నుంచే యూనిట్ వరుస అప్డేట్స్ ఇస్తూ వస్తోంది. రీసెంట్ గా రిలీజ్ డేట్ ను ప్రకటించిన విషయం తెలిసిందే. ఇక తాజాగా ‘ఆదికేశవ’ ఫస్ట్ సింగిల్ పై అప్డేట్ అందించారు. ప్రోమో కూడా విడుదల చేసి సినిమాపై ఇంట్రెస్ట్ క్రియేట్ చేశారు. ‘సిత్తరాల సీత్రావతి’ అనే టైటిల్ తో మొదటి పాటను విడుదల చేసేందుకు సిద్ధం చేశారు. తాజాగా ప్రోమోను వదిలారు. ఫుల్ సాంగ్ సెప్టెంబర్ 9న విడుదల చేయనున్నట్టు తెలిపారు.
ప్రోమోలో వైష్ణవ్, శ్రీలీలా కెమిస్ట్రీ సూపర్ గా కనిపించింది. బ్యూటీఫుల్ లోకేషన్లలో సాంగ్ ను గ్రాండ్ గా చిత్రీకరించినట్టు కనిపిస్తోంది. చాలా కలర్ ఫుల్ గా సాంగ్ ను రూపొందించారని ప్రోమో ద్వారా అర్థం అవుతోంది. దీంతో ఫుల్ సాంగ్ పై మరింత ఆసక్తి పెరిగింది. ఇక ఈ చిత్రంలో ప్రముఖ మలయాళ నటుడు జోజు జార్జ్ నటిస్తుండటం విశేషం. ఈ సినిమాతోనే తెలుగు చిత్రసీమలోకి అడుగుపెడుతున్నారు. వజ్ర కాళేశ్వరి దేవిగా అపర్ణా దాస్ నటిస్తున్నారు.
ఆదికేశవ చిత్రానికి జాతీయ అవార్డు గ్రహీత నవీన్‌ నూలి ఎడిటర్ గా వ్యవహరిస్తున్నారు. శ్రీకాంత్ ఎన్ రెడ్డి ఈ భారీ యాక్షన్ ఎంటర్‌టైనర్‌తో దర్శకుడిగా పరిచయం అవుతున్నారు. జి.వి. ప్రకాష్ కుమార్ ఈ చిత్రానికి సంగీతం సమకూరుస్తున్నారు. ఇప్పటికే గ్లింప్స్ కి ఆయన అందించిన నేపథ్య సంగీతం సినిమాపై అంచనాలను పెంచేసింది. ఇక ఫస్ట్ సింగిల్ కూడా సెన్సేషన్ గా మారుతుందని అర్థమవుతోంది.
first single promo will be out today at 4:05 PM! ❤️ … pic.twitter.com/jVYmJmOFUt
— G.V.Prakash Kumar (@gvprakash)
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి