చంద్రయాన్ 1,2,3 సాధించిన విజయాలు అపూర్వం..ప్రతీ భారతీయుడు తెలుసుకోవాల్సిన జైత్రయాత్ర విశేషాలు ఇవే..
By Krishna Adithya | First Published Aug 22, 2023, 5:52 PM ISTభారతదేశ మిషన్ చంద్రయాన్-3 చంద్రునిపై విజయవంతంగా ల్యాండ్ అయ్యేందుకు సిద్ధంగా ఉంది. అమెరికా, రష్యా వంటి దేశాలు కూడా పలు మార్లు విఫలమైన ఈ మిషన్ లో భారత్ మాత్రం విజయవంతంగా దూసుకెళ్తోంది.
ఇస్రో చరిత్రలో సరికొత్త అధ్యాయానికి తెరలేవలేనుంది. చంద్రయాన్ 3 ప్రయోగం మరికొద్ది గంటల్లోనే చంద్రుడు పై ల్యాండ్ కానుంది. దీంతో దేశవ్యాప్తంగా ఉన్న ప్రజలు ఉద్విగ్న భరితంగా ఉన్నారు. శాస్త్రవేత్తలు అకుంఠిత దీక్షతో చేస్తున్నటువంటి ఈ ప్రయోగం ఇప్పటికే పలు విజయాలు సాధించింది ఆ విజయాల పరంపర గురించి ఇప్పుడు మనం తెలుసుకుందాం. భారతదేశం చంద్రయాన్-2 మిషన్ ఫెయిల్ అయినప్పటికీ, , భారత అంతరిక్ష సంస్థ (ఇస్రో) తన ప్రయోగాలతో చంద్రయాన్- 3 కి శ్రీకారం చుట్టింది. చంద్రుని మిషన్‌లో అమెరికా 26 సార్లు విఫలమైతే రష్యా 14 సార్లు విఫలమైనప్పటికీ భారత్ మాత్రం చంద్రయాన్ 3 దశల్లో చెప్పుకోదగ్గ విజయాలు సాధించింది. అసలు చంద్రయాన్ సాధించిన విజయాలు ఏంటో తెలుసుకుందాం.
చంద్రయాన్ 1 సాధించిన విజయాలు ఇవే..
Latest Videos
చంద్రునిపైకి భారతదేశం పంపిన మొదటి మిషన్ చంద్రయాన్-1. ఈ మిషన్ లో భారతదేశం పోలార్ శాటిలైట్ లాంచ్ వెహికల్ PSLV-C II నుండి 22 అక్టోబర్ 2008న శ్రీ హరికోటలోని సతీష్ ధావన్ స్పేస్ సెంటర్ నుండి ప్రయోగించబడింది. ఈ వ్యోమనౌక చంద్రునికి 3400 కంటే ఎక్కువ సార్లు తిరిగింది. చంద్రునిపై నీటి ఉనికిని చంద్రయాన్-1 నిర్ధారించింది, ఈ ఆవిష్కరణ భిన్నంగా ఉంది. చంద్రుని ఉత్తర ధ్రువ ప్రాంతంలో మంచు రూపంలో నీరు చేరడాన్ని కూడా చంద్రయాన్-1 కనుగొంది. ఇది చంద్రుని ఉపరితలంపై మెగ్నీషియం, అల్యూమినియం, సిలికాన్‌లను కూడా గుర్తించింది, చంద్రుని గ్లోబల్ మ్యాప్‌ను సిద్ధం చేయడం ఈ మిషన్ మరొక ప్రధాన విజయం.
చంద్రయాన్ 2 నేర్పిన పాఠం ఏంటి..?
చంద్రయాన్-2 నిజానికి చంద్రయాన్-1 మిషన్‌కు సీక్వెల్. చంద్రయాన్-2లో ఆర్బిటర్, ల్యాండర్ (విక్రమ్), రోవర్ (ప్రజ్ఞాన్) ను చంద్రుడిపై ఇన్ స్టాల్ చేయాల్సి ఉంది. చంద్రయాన్-2 తన 'విక్రమ్' మాడ్యూల్‌ను చంద్రుని ఉపరితలంపై ల్యాండ్ చేయించి, చంద్రునిపై 6 చక్రాల రోవర్ "ప్రజ్ఞాన్"ని చంద్రుడిపై ఇన్ స్టాల్ చేయాల్సి ఉంది. చంద్రయాన్-1లో రోవర్ లేదు. చంద్రయాన్-1 లిఫ్ట్-ఆఫ్ బరువు 1380 కిలోలు కాగా, చంద్రయాన్-2 బరువు 3850 కిలోలుగా ఉంది. చంద్రయాన్-2 లక్ష్యం చంద్రునిపై దిగడం, దాని ఉపరితలాన్ని అధ్యయనం చేయడానికి రోవర్‌ను అమర్చడం, తద్వారా చంద్రయాన్-1 పరిధిని మరింత పెంచడంగా పేర్కొన్నారు. కానీ దురదృష్టవశాత్తూ చంద్రయాన్ 2 మిషన్ అనుకున్నంత సక్సెస్ కాలేదు. ఈ మిషన్ క్రాష్ లాండింగ్ వల్ల ఫెయిల్ అయ్యింది. అందుకే శాస్త్రవేత్తలు మరింత జాగ్రత్తగా ఈ సారి చంద్రయాన్ 3లో జాగ్రత్తలు తీసుకున్నారు.
చంద్రయాన్-3 ఎందుకు గర్వకారణం..
ఇస్రో ప్రకారం, చంద్రయాన్-3 మిషన్. చంద్రయాన్-2 తదుపరి దశ, గతంలో జరిగిన పొరపాట్లను సరిదిద్ది ఈ మిషన్ ప్రారంబించారు. ఇందులో చంద్రుని ఉపరితలంపై రోవర్ దిగి పరీక్షలు నిర్వహిస్తుంది. ఇందులో ప్రొపల్షన్ మాడ్యూల్, ల్యాండర్, రోవర్ లాంచింగ్ దశలు ఉంటాయి. భారతదేశం ప్రతిష్టాత్మక చంద్రయాన్-3 ఆగస్టు 23న చంద్రుని దక్షిణ ధ్రువంపై ల్యాండ్ అవుతుంది. ప్రపంచం మొత్తం ఈ ల్యాండింగ్‌ గురించి ఎదురు చూస్తోంది. ఎందుకంటే చంద్రుని దక్షిణ ధ్రువంపై ల్యాండ్ అయిన మొదటి వాహనం చంద్రయాన్-3 కావడం విశేషం. భారత అంతరిక్ష సంస్థ ఇస్రో బుధవారం సాయంత్రం 6.4 0గంటలకు చంద్రుని ఉపరితలంపై చంద్రయాన్‌ను ల్యాండ్ చేయనుంది. చంద్రునిపై చంద్రయాన్-3 దిగడానికి 2 గంటల ముందు, ఆగస్టు 23న, ల్యాండర్ మాడ్యూల్ పరిస్థితి చంద్రునిపై పరిస్థితుల గురించి తెలుసుకుంటుంది. ఆపై వాహనాన్ని ఇక్కడ ల్యాండ్ చేయడం సముచితమో లేదో నిర్ణయిస్తామని ఇస్రో అధికారులు తెలిపారు. ఆ సమయం లేదా సమస్య లేకుంటే ఆగస్టు 23న రోవర్ ను సకాలంలో ల్యాండ్ చేస్తాం. భారత్ చేపట్టిన చంద్రయాన్-3 మిషన్ విజయవంతమైతే చంద్రుడి దక్షిణ ధ్రువంపై అడుగు పెట్టిన తొలి దేశంగా అవతరిస్తుందని శాస్త్రవేత్తలు తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి