"వాలెంటైన్స్ వీక్"లో దుమ్ము రేపిన గులాబీలు: రికార్డు సేల్స్..
By Ashok kumar Sandra | First Published Feb 14, 2024, 1:58 PM IST'వాలెంటైన్స్ వీక్' జరుపుకునేందుకు భారతీయులు రికార్డు స్థాయిలో గులాబీలు, చాక్లెట్లు ఇంకా గిఫ్ట్ హాంపర్లను కొనుగోలు చేశారు.
ఢిల్లీ : నేడు ప్రేమికుల దినోత్సవం. గత వారం రోజులుగా ప్రపంచ వ్యాప్తంగా వాలెంటైన్స్ డే వేడుకలు ఘనంగా జరుగుతున్నాయి. ఇందులో భారతీయులు ఏమాత్రం వెనుకంజ వేయలేదు. వాలెంటైన్స్ డే, రోజ్ డే, చాక్లెట్ డే, టెడ్డీ బేర్ డే మొదలైన రోజులతో వారంలో ప్రతి రోజూ ఏదో ఒక ప్రత్యేకత ఉంటుంది. వాలెంటైన్స్ వీక్ ని అలా జరుపుకుంటారు. ఈ సంవత్సరం, ఈ వేడుకలన్నింటికీ భారతదేశంలో రికార్డు స్థాయిలో గులాబీలు, చాక్లెట్లు ఇంకా గిఫ్ట్ హాంపర్లు అమ్ముడయ్యాయి.
వాలెంటైన్స్ డేకి ముందు భారతీయ గిఫ్టింగ్ ప్లాట్‌ఫామ్ FNP నిమిషానికి 350 గులాబీలను డెలివరీ చేసినట్లు ఢిల్లీకి చెందిన కంపెనీ తెలిపింది. ఫుడ్ డెలివరీ ప్లాట్‌ఫామ్ జొమాటో ఫిబ్రవరి 9న నిమిషానికి 406 చాక్లెట్‌లను డెలివరీ చేసిందని చీఫ్ ఎగ్జిక్యూటివ్ ఆఫీసర్ అల్బిందర్ దిండ్జా ట్వీట్ చేశారు.
Latest Videos
ఈ ఏడాది అమ్మకాలు 25% పెరిగే అవకాశం ఉందని ఎఫ్‌ఎన్‌పి గ్లోబల్ డైరెక్టర్ అండ్ చీఫ్ ఎగ్జిక్యూటివ్ ఆఫీసర్ పవన్ గడియా తెలిపారు. ఆరు నెలల క్రితమే వాలెంటైన్స్ డే సేల్ కోసం సన్నాహాలు ప్రారంభించామని ఆయన చెప్పారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి