RBI Repo Rate Hike: ఆర్థిక సంవత్సరం చివరి నాటికి రెపోరేటు 6 శాతానికి చేరే చాన్స్, EMIపై ఇక బాదుడే బాదుడు..

దేశంలో అధిక ద్రవ్యోల్బణం రేటును నియంత్రించేందుకు, ఆర్‌బిఐ ద్రవ్య విధాన కమిటీ (ఎంపిసి) తన తాజా పాలసీ సమీక్షలో రెపో రేటును 50 BPS పెంచింది. పెరుగుతున్న ద్రవ్యోల్బణంపై ఆందోళన వ్యక్తం చేసిన ఆర్‌బిఐ గవర్నర్ శక్తికాంత దాస్ బుధవారం 2022-23 మొదటి మూడు త్రైమాసికాల్లో 6 శాతం ఎగువ టాలరెన్స్ బ్యాండ్‌ కంటే ఎక్కువగా ఉండవచ్చని అన్నారు. రాబోయే నెలల్లో MPC భేటీల్లో కీలక వడ్డీ రేట్లు 6 శాతం పెరిగే అవకాశం ఉందని నిపుణులు భావిస్తున్నారు.

 ప్రస్తుత ఆర్థిక సంవత్సరం చివరి నాటికి, రెపో రేటు 5.75 శాతం వరకు ఉండవచ్చని నిపుణులు అంచనా వేస్తున్నారు. నిన్న, బుధవారం, MPC కీలకమైన రెపో రేటును 50 బేసిస్ పాయింట్లు పెంచడంతో రెపోరేటు 4.90 శాతానికి చేరింది. ద్రవ్యోల్బణం నియంత్రణలో ఉండేలా, రాబోయే కాలంలో వృద్ధికి మద్దతునిచ్చేలా దృష్టి పెట్టాలని కమిటీ నిర్ణయించింది.

ఆగస్టులో మళ్లీ రేటు పెరిగే చాన్స్...
మనీకంట్రోల్ పోర్టల్ వార్తల ప్రకారం, బార్క్లెస్ చీఫ్ ఎకనామిస్ట్ (ఇండియా) రాహుల్ బజోరియా మాట్లాడుతూ, "బుధవారం నాటి చర్య ఆధారంగా, ద్రవ్యోల్బణం ఔట్ లుక్ మెరుగుపడకపోతే, వృద్ధి అంచనాలు తగ్గకపోతే, RBI తన రేట్ల పెంపు మార్గంలో కొనసాగుతుందని భావిస్తున్నట్లు తెలిపారు. ఆగస్టులో రెపో రేటును 35 బేసిస్ పాయింట్లు పెంచి రెపో రేటును 5.25 శాతానికి పెంచవచ్చని అంచనా వేశారు.   వచ్చే మూడు ఎంపీసీ సమావేశాల్లో (ఆగస్టు, అక్టోబర్, డిసెంబర్) ద్రవ్యోల్బణ నిర్వహణకు ఆర్‌బిఐ ప్రాధాన్యతనిస్తుందని, ఇందులో డిమాండ్‌ను అదుపు చేసేందుకు కొన్ని చర్యలు ఉండవచ్చని ఆయన అన్నారు.

ఎక్కడ వృద్ధి ఆగిపోతుంది
బజోరియా మాట్లాడుతూ, “ఆగస్టులో ఆర్‌బిఐ పాలసీ రేటును 35 బిపిఎస్‌లు పెంచుతుందని, ఆపై అక్టోబర్‌లో పాలసీ రేటును 5.50 శాతానికి పెంచుతుందని, అదనంగా, ఆర్‌బిఐ డిసెంబర్‌లో 5.75 శాతానికి మరోసారి వడ్డీ రేటును పెంచుతుందని మేము భావిస్తున్నామని పేర్కొన్నారు. 

50 బేసిస్ పాయింట్ల వృద్ధి అంచనా
RBL బ్యాంక్ చీఫ్ ఎకనామిస్ట్ రజనీ ఠాకూర్ మాట్లాడుతూ, “మేము ఇప్పుడు ఆగస్టులో 50 bps పెరుగుదలను ఆశిస్తున్నాము, తద్వారా రెపో రేటు COVID-19 మొదటి స్థాయి కంటే ఎక్కువగా ఉంటుందని, ఆర్థిక సంవత్సరం ముగిసే నాటికి ఇది 6 శాతానికి చేరుకునే అవకాశం కనిపిస్తోంది.

రష్యా-ఉక్రెయిన్ వివాదం కారణంగా సమీప భవిష్యత్తులో గ్లోబల్ కమోడిటీ ధరలు పెరిగే అవకాశాలు తగ్గే అవకాశాలు కనిపించడం లేదని ఇండియా రేటింగ్స్ అండ్ రీసెర్చ్ ప్రిన్సిపల్ ఎకనామిస్ట్ సునీల్ కుమార్ సిన్హా అన్నారు. అంచనా వేసిన ద్రవ్యోల్బణం గణాంకాలను పరిశీలిస్తే, 2023 ఆర్థిక సంవత్సరం చివరి నాటికి రెపో రేటు దాదాపు 6 శాతానికి చేరుకోవచ్చని ఆయన అన్నారు.