ముఖేశ్ అంబానీ గారాల పట్టి ఈశా అంబానీ ఇప్పటికే శ్రీమతిగా మారారు. ఆయన పెద్ద కొడుకు ఆకాశ్ అంబానీ వచ్చేనెలలో పెళ్లి పీటలెక్కనున్నారు. అందుకనుగుణంగా అంబానీల ఇంట మరోసారి పెళ్లి బాజా మోగనుంది. మొన్నటివరకూ కుమార్తె ఇశా అంబానీ వివాహ వేడుకలతో బిజీబిజీగా గడిపిన ముఖేష్ అంబానీ కుటుంబం మరో పెళ్లి వేడుకకు సిద్ధమవుతోంది. నీతా అంబానీ - ముఖేష్ అంబానీల పెద్ద కుమారుడు ఆకాశ్ అంబానీ పెళ్లి పనులు ప్రారంభమైన సంగతి తెలిసిందే.
undefined
గత ఏడాది జూన్లో వజ్రాల వ్యాపారి రస్సెల్ మెహతా కుమార్తె శ్లోకా మెహతాతో.. ఆకాశ్ అంబానీ నిశ్చితార్థం జరిగింది. వచ్చేనెల తొమ్మిదో తేదీనుంచి మూడు రోజుల పాటు జరిగే ఈ వివాహ వేడుక పనులు చకచక జరుగుతున్నాయి. ముంబైలోని బాంద్రా-కుర్లా కాంప్లెక్స్లోని జియో వరల్డ్ సెంటర్లో ఈ వేడుక జరగనుంది. ఇశా అంబానీ పెళ్లి చేసుకుంది.. మరికొద్ది రోజుల్లో ఆకాశ్ అంబానీ ఓ ఇంటి వాడు కాబోతున్నాడు. ఇక ఇప్పుడు అందరి దృష్టి అనంత్ అంబానీ మీద పడిందట. నువ్వేప్పుడు పప్పన్నం పెడతావని అనంత్ను అడుగుతున్నారు నెటిజన్లు.
undefined
ఈ క్రమంలో అనంత్ అంబానీ గర్ల్ ఫ్రెండ్ రాధిక మర్చంట్కు సంబంధించిన వీడియో ఒకటి ప్రస్తుతం సోషల్ మీడియాలో వైరలవుతోంది. వారిద్దరి మధ్య కెమిస్ట్రీ బాగానే పండినట్లుంది.
undefined
ఓ పెళ్లిలో తీసిన ఈ వీడియోలో ఇశా అంబానీ, అనంత్ అంబానీ డోలు వాయిస్తుండగా.. అందుకు అనుగుణంగా రాధికా మర్చంట్ డ్యాన్స్ చేస్తున్నారు. అంతటితో ఆగకుండా ముఖేష్ అంబానీతో స్టెప్పులేయించడానికి రాధికా మర్చంట్ ప్రయత్నిస్తున్న వీడియో ఇన్స్టాగ్రామ్లో పోస్ట్ చేశారు. ముఖేశ్ అంబానీ కూడా రాధికా మర్చంట్ తో కలిసి సరదాగా స్టెప్పులేశారు మరి.. ప్రస్తుతం ఈ వీడియో నెటిజన్లను విపరీతంగా ఆకర్షిస్తోంది. ‘మామాకోడళ్ల అనుబంధం బాగానే ఉంది.. త్వరలో మీరు కూడా పెళ్లి పీటలు ఎక్కండి.. ఓ పనైపోతుంది’ అంటున్నారు నెటిజన్లు.
undefined
ఇదే వేడుకలో తీసిన రాధికా మర్చంట్, అనంత్ అంబానీల ఫోటో కూడా సోషల్ మీడియాలో వైరలైంది. ఎల్లో బ్రాకెడ్ లెహెంగా చోలీతో మెరిసిపోతున్న రాధికా మర్చంట్ను చూసి అనంత్ అంబానీ స్టన్నయ్యారట. ఈ వేడుకకు ఈశా అంబానీ మామ అజయ్ పిరమాల్ కూడా హాజరు కావడం గమనార్హం.
undefined
అంబానీ, పిరమాల్, మర్చంట్ కుటుంబాలు ఇప్పటివరకు స్నేహితులు. ఇక పూర్తిగా బంధువులు కాబోతున్నారన్నమాట. ఆకాశ్ అంబానీ ఎంగేజ్మెంట్ వేడుకలోనే బాలీవుడ్ సెలబ్రిటి షారూఖ్ ఖాన్.. రాధిక మర్చంట్తో కెమిస్ట్రీ గురించి అనంత్ అంబానీని టీజ్ చేశాడని వార్తలొచ్చాయి.
undefined