ITR గడువు ముగిసింది, ఇంకా రిటర్న్ ఫైల్ చేయాలేదా..రూ.1000 జరిమానాతో చేసేయండి..లేకపోతే వీళ్లకు IT నోటీసు తప్పదు

ఆదాయపు పన్ను రిటర్న్ (ITR) దాఖలు చేయడానికి చివరి తేదీ ముగిసింది. మీరు ఇంకా రిటర్న్ ఫైల్ చేయలేదా, అయితే కంగారు పడకండి, రూ.1000 జరిమానాతో చెల్లించి రిటర్న్ దాఖలు చేయవచ్చు. ఆ నియమాలు ఏమిటో తెలుసుకుందాం?

ఆదాయపు పన్ను రిటర్న్‌ దాఖలుకు చివరి తేదీ నిన్నటితో ముగిసింది. నిర్ణీత గడువులోగా పన్ను కట్టలేని వారి కోసం ఆదాయపు పన్ను శాఖ ఏం చేయబోతోందో తెలుసుకుందాం. అలాగే కాలపరిమితిని పొడిగించేది లేదని మంత్రిత్వ శాఖ ఇప్పటికే స్పష్టం చేసింది. ఇక రిటర్న్‌ దాఖలు చేయని వారు ఈ విషయాన్ని గమనించాలి. 

సకాలంలో ఆదాయపు పన్ను రిటర్న్‌ను దాఖలు చేయడంలో విఫలమైతే ఆదాయపు పన్ను శాఖకు జరిమానా విధిస్తుంది. ITRని 31 డిసెంబర్ 2022 వరకు ఫైల్ చేయవచ్చు. దీనికి రూ. 5000 జరిమానా విధిస్తారు. గత ఏడాది వరకు ఆదాయపు పన్ను రిటర్న్‌లను ఆలస్యంగా దాఖలు చేస్తే గరిష్టంగా రూ.10,000 జరిమానా విధించేవారు. అయితే ఆదాయపు పన్ను శాఖ 2020-21 ఆర్థిక సంవత్సరం నుంచి జరిమానాను తగ్గించింది..

ఈ ఏడాది సకాలంలో రిటర్నులు దాఖలు చేయని వారు రూ.5,000 జరిమానా చెల్లించాల్సి ఉంటుంది. అలాగే, ఆదాయం రూ.2.5 లక్షలు మించకపోతే రిటర్నులను ఆలస్యంగా దాఖలు చేసినందుకు ఎలాంటి జరిమానా ఉండదు. అదనంగా చిన్న పన్ను చెల్లింపుదారులు జరిమానాలు చెల్లించకుండా మినహాయింపులు పొందుతారు. రూ. 5 లక్షల కంటే తక్కువ ఆదాయం ఉంటే, రిటర్న్‌ను ఆలస్యంగా దాఖలు చేసినా, జరిమానా రూ.1,000 మాత్రమే.

ఆదాయపు పన్ను రిటర్న్ ఎందుకు ఫైల్ చేయాలి?
>> ఆదాయపు పన్ను శాఖ నుండి TDS క్లెయిమ్ చేయడానికి తప్పనిసరిగా రిటర్న్ దాఖలు చేయాలి. 
>> విదేశీ ఆదాయం లేదా పెట్టుబడి ఉంటే ఐటీ రిటర్న్ చేయాల్సిందే...లేకపోతే మీకు నోటీసు రావచ్చు..
>> మీరు వీసా లేదా లోన్ కోసం దరఖాస్తు చేయాలనుకుంటే. కూడా ఐటీ రిటర్న్ తప్పని సరి..
>> పన్ను చెల్లింపుదారు కంపెనీ లేదా సంస్థ యజమాని అయితే తప్పనిసరిగా ఫైల్ చేయాలి. 
>> మినహాయింపులు వర్తింపజేసినప్పటికీ పన్ను చెల్లింపుదారులు ITR ఫైల్ చేయాలి
>> ఒకటి లేదా అంతకంటే ఎక్కువ కరెంట్ బ్యాంక్ ఖాతాల్లో జమ చేసిన మొత్తం రూ.1 కోటి కంటే ఎక్కువ ఉంటే తప్పనిసరిగా ఫైల్ చేయాలి. 
>> స్వయంగా లేదా మరే ఇతర వ్యక్తికి విదేశీ ప్రయాణాల కోసం మొత్తం 2 లక్షలకు పైగా ఖర్చు చేస్తే తప్పనిసరిగా ఫైల్ చేయాలి. 
>> విద్యుత్ వినియోగంపై మొత్తం ఖర్చు రూ. 1 లక్ష దాటితే కూడా ఐటీ రిటర్న్ ఫైల్ చేయాలి. 
>> మీరు వ్యాపారవేత్త అయితే మరియు మీ మొత్తం విక్రయాలు, టర్నోవర్ లేదా స్థూల రశీదులు మునుపటి సంవత్సరంలో 60 లక్షలకు మించి ఉంటే. తప్పని సరిగా ఐటీరిటర్న్ దాఖలు చేయాలి.