భారత ఆర్థిక వ్యవస్థ సరైన మార్గంలో ఉంది.. పార్లమెంట్‌లో కేంద్ర బడ్జెట్ను ప్రవేశపెట్టిన నిర్మలా సీతారామన్
By Sumanth Kanukula | First Published Feb 1, 2023, 11:16 AM ISTకేంద్ర ఆర్థిక శాఖ మంత్రి నిర్మలా సీతారామన్ నిర్మలా సీతారామన్ పార్లమెంట్‌లో బడ్జెట్ను ప్రవేశపెట్టారు. ఈ సందర్భంగా నిర్మలా సీతారామాన్ మాట్లాడుతూ.. అమృత కాలంలో ఇది తొలి బడ్జెట్ అని చెప్పారు.
కేంద్ర ఆర్థిక శాఖ మంత్రి నిర్మలా సీతారామన్ నిర్మలా సీతారామన్ పార్లమెంట్‌లో బడ్జెట్ను ప్రవేశపెట్టారు. ఈ సందర్భంగా నిర్మలా సీతారామాన్ మాట్లాడుతూ.. అమృత కాలంలో ఇది తొలి బడ్జెట్ అని చెప్పారు. భారత ఆర్థిక వ్యవస్థ సరైన మార్గంలో ఉందని.. ఉజ్వల భవిష్యత్తు వైపు పయనిస్తోందని అన్నారు. ‘‘కోవిడ్ మహమ్మారి సమయంలో, 28 నెలల పాటు 80 కోట్ల మందికి పైగా ప్రజలకు ఉచిత ఆహార ధాన్యాలను సరఫరా చేసే పథకంతో ఎవరూ ఆకలితో పడుకోకుండా చూసుకున్నాం’’ అని అన్నారు.
ప్రపంచ సవాళ్లను ఎదుర్కొంటున్న ఈ కాలంలో.. ప్రపంచ ఆర్థిక క్రమంలో భారతదేశం పాత్రను బలోపేతం చేయడానికి జీG20 ప్రెసిడెన్సీ దేశానికి ఒక ప్రత్యేకమైన అవకాశాన్ని అందిస్తుందని అన్నారు. 2014 నుంచి ప్రభుత్వ ప్రయత్నాలు పౌరులందరికీ మెరుగైన జీవన నాణ్యత, గౌరవప్రదమైన జీవితాన్ని అందించాయని చెప్పారు. తలసరి ఆదాయం రెండింతలు పెరిగి రూ.1.97 లక్షలకు చేరుకుందని తెలిపారు. ఈ 9 ఏళ్లలో భారత ఆర్థిక వ్యవస్థ పరిమాణంలో 10వ స్థానం నుంచి 5వ స్థానానికి పెరిగిందని చెప్పారు.
Latest Videos
undefined
‘‘ప్రపంచం భారతదేశాన్ని ఒక ప్రకాశవంతమైన నక్షత్రంగా గుర్తించింది. ప్రస్తుత సంవత్సరంలో మన వృద్ధి 7 శాతంగా అంచనా వేయబడింది. కోవిడ్ మహమ్మారి కారణంగా సంభవించిన భారీ ప్రపంచ మందగమనం ఉన్నప్పటికీ.. ఇది అన్ని ప్రధాన ఆర్థిక వ్యవస్థలలో అత్యధికం’’ అని నిర్మలా సీతారామన్ అన్నారు.
మిషన్ మోడ్‌లో టూరిజం ప్రమోషన్ చేపట్టబడుతుందని చెప్పారు. యువ పారిశ్రామికవేత్తల ద్వారా అగ్రి-స్టార్టప్‌లను ప్రోత్సహించడానికి అగ్రికల్చర్ యాక్సిలరేటర్ ఫండ్ ఏర్పాటు చేయబడుతుందని తెలిపారు. డిజిటల్ చెల్లింపులలో గణనీయమైన మెరుగుదల కారణంగా భారత ఆర్థిక వ్యవస్థ మరింత లాంఛనప్రాయంగా మారిందని అన్నారు. రాష్ట్రాల క్రియాశీల భాగస్వామ్యం, ప్రభుత్వ కార్యక్రమాలు, ప్రభుత్వ-ప్రైవేట్ భాగస్వామ్యాల కలయికతో టూరిజం ప్రమోషన్ మిషన్ మోడ్‌లో చేపట్టబడుతుందని తెలిపారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి