ఒక్కసారి ఛార్జ్ చేస్తే 800 కి.మీ ప్రయాణించొచ్చు. కారు ధర తెలిస్తే షాకవుతారు

ఎలక్ట్రిక్ కార్లు ఒక్క ఛార్జ్ కే ఎక్కువ దూరం ప్రయాణిస్తాయని విన్నాం కదా.. కాని చైనాకు చెందిన బెస్ట్‌ట్యూన్ కంపెనీ సరి కొత్త కారు ఇప్పుడున్న వాటన్నిటికంటే ఎక్కువ దూరం ప్రయాణిస్తుంది. దీన్ని ఒక్కసారి ఛార్జ్ చేస్తే ఏకంగా 800 కి.మీ. వరకు ప్రయాణించొచ్చు. మరి ఆ కారు ధర, ఫీచర్లు తెలుసుకుందాం రండి. 

చైనాకు చెందిన ఆటోమొబైల్ కంపెనీ అయిన బెస్ట్‌ట్యూన్ బ్రాండ్ 2023లో చిన్న ఎలక్ట్రిక్ కారు షియోమి పేరుతో కారు రిలీజ్ చేసింది. ఈ కారు ధర చాలా తక్కువ. దీనికి ఫాస్ట్ గా ఛార్జింగ్ చేసే ఫెసిలిటీ కూడా ఉంది. అందువల్ల ఎక్కువ దూరం ప్రయాణించగలదు. బెస్ట్‌ట్యూన్ కంపెనీ ఈ కారులో ఎక్కువ రేంజ్ ఇచ్చే బ్యాటరీ టెక్నాలజీని డెవలప్ చేసింది. ఇది ఇప్పుడు ఇండియాలో విడుదల చేయాలని కంపెనీ ఆలోచిస్తున్నట్లు వార్తలు వస్తున్నాయి. ఇదే నిజమైతే ఎలక్ట్రిక్ కార్లలో అత్యంత తక్కువ ధర, ఎక్కువ దూరం ప్రయాణించే కారుగా ఇది నిలిచిపోతుంది. 

షియోమి కారు ధర దాదాపు రూ.3.47 లక్షలు

బెస్ట్‌ట్యూన్ షియోమి ధర చైనాలో 30,000 నుంచి 50,000 యువాన్ వరకు ఉంది. అంటే ఇండియన్ కరెన్సీలో దాదాపు రూ.3.47 లక్షల నుంచి 5.78 లక్షల రూపాయల వరకు ఉంటుంది. ఇంత తక్కువలో ప్రస్తుతానికి ఇండియాలో అయితే ఎలక్ట్రిక్ వెహికల్స్ లేవనే చెప్పాలి. 

ఒక్కసారి ఛార్జ్ చేస్తే 800 కిలోమీటర్ల వరకు వెళ్తుంది

ఎలక్ట్రిక్ కార్లు సాధారణంగా ఎక్కువ దూరం ప్రయాణిస్తాయని తెలుసు. కాని షియోమీ ఒకసారి ఛార్జ్ చేస్తే ఏకంగా 800 కి.మీ. ప్రయాణించడం చాలా ప్రత్యేకమైన విషయమనే చెప్పాలి. ఇంత ఎక్కువ దూరం ప్రయాణించాలనే కంపెనీ ప్రత్యేకమైన బ్యాటరీ సెటప్ ను ఇందులో ఏర్పాటుచేసింది. ఈ కారు హార్డ్‌టాప్, కన్వర్టిబుల్ వేరియంట్‌లలో చైనాలో 2003లో రిలీజ్ అయింది.

ఈ కారులో 7 ఇంచ్ టచ్‌స్క్రీన్ ఇన్ఫోటైన్‌మెంట్ సిస్టమ్ ఉంది. డాష్‌బోర్డ్‌కి డ్యూయల్ టోన్ థీమ్ ఇచ్చారు. లుక్ అదిరిపోయేలా ఉండటానికి రౌండ్‌గా ఉండే ఎడ్జ్‌లతో పెద్ద హెడ్‌లైట్లు ఉండటం షియోమి స్పెషాలిటీ. ఈ కారుకి ఏరోడైనమిక్ వీల్స్ కూడా ఉన్నాయి.  

షియోమి ఎఫ్‌ఎంఈ ప్లాట్‌ఫామ్ మీద బేస్ అయి ఉంటుంది. ఇందులో ఈవీ, రేంజ్ ఎక్స్‌టెండర్ అనే ఆప్షన్స్ ఉంటాయి. అంటే ఈవీ సెలెక్ట్ చేసుకుంటే 800 కి.మీ. వరకు ప్రయాణించొచ్చు. ఎక్స్‌టెండర్ సెలెక్ట్ చేసుకుంటే 1200 వరకు ప్రయాణించొచ్చని కంపెనీ ప్రకటించింది. అయితే బ్యాటరీ కెపాసిటీని బట్టి ఈ ఆప్షన్స్ ని సెలెక్ట్ చేసుకోవాలి. ఈ మైక్రో కారు 20 kW ఎలక్ట్రిక్ మోటార్ పవర్ ఇస్తుంది. బ్యాటరీ కోసం లిథియం-అయాన్ ఫాస్ఫేట్ (LFP) యూనిట్‌ను ఉపయోగించారు.

షియోమి కారుకు మూడే డోర్లు

సేఫ్టీ విషయానికి వస్తే బెస్ట్‌ట్యూన్ షియోమిలో డ్రైవర్ సైడ్ ఎయిర్‌బ్యాగ్ ఉంది. దీనికి మూడు డోర్లు మాత్రమే ఉంటాయి. బెస్ట్‌ట్యూన్ షియోమి 3000 ఎంఎం పొడవు, 1510 ఎంఎం వెడల్పు, 1630 ఎంఎం ఎత్తు ఉంటుంది. దీని వీల్‌బేస్ 1,953 మిల్లీమీటర్లు. అందువల్ల గుంతల రోడ్డులో కూడా ఈ కారు ఈజీగా ప్రయాణిస్తుంది. ఈ కారు గాని ఇండియాలో రిలీజ్ అయితే టాటా టియాగో ఈవీ, ఎంజీ కామెట్ ఈవీతో డైరెక్ట్‌గా పోటీపడుతుంది.