blue road country:ఈ దేశంలో రోడ్లు ఎందుకు నీలం రంగులో ఉంటాయి, ఈ ప్రత్యేక దృశ్యాన్ని చూస్తే ఆశ్చర్యపోతారు..
By asianet news telugu | First Published Feb 16, 2022, 10:42 AM ISTఇలాంటి నీలిరంగు రోడ్లు ఖతార్ దేశంలో ఉన్నాయి. ఈ నీలం రంగు రోడ్లు దేశానికి అందాన్ని ఇస్తాయి. అలాగే రోడ్డు పై నడుస్తుంటే ఆకాశాన్ని తాకుతున్న అనుభూతి కలుగుతుంది.
భారతదేశం కావచ్చు లేదా మరే ఇతర దేశంలోనైనా కావచ్చు. దేశ, విదేశాలలో రోడ్లు ప్రతిచోటా ఉన్నట్లే ఒకేలా ఉంటాయి. ప్రపంచవ్యాప్తంగా పర్యాటకం భిన్నంగా ఉండవచ్చు, కానీ అక్కడికి చేరుకోవడానికి రోడ్డు మార్గం రంగు దాదాపు ఒకే విధంగా ఉంటుంది. మీరు ప్రతిచోటా నలుపు లేదా బూడిద రంగు రోడ్లను చూస్తుంటారు, కానీ రోడ్లు వివిధ రంగులలో కూడా ఉంటాయని మీరు ఎప్పుడైనా ఆలోచించారా..? మీరు కొన్ని ఫోటోలు చూస్తే నమ్మాలేరు. ఇక్కడ రోడ్ల రంగులు నలుపు లేదా బూడిద రంగులో ఉండవు, కానీ రోడ్లు నీలం రంగులో ఉన్న దేశం ఎక్కడ ఉందో తెలుసా...
ఇలాంటి నీలిరంగు రోడ్లు ఖతార్ దేశంలో ఉన్నాయి. ఈ నీలం రంగు రోడ్లు దేశానికి అందాన్ని ఇస్తాయి. అలాగే రోడ్డు పై నడుస్తుంటే ఆకాశాన్ని తాకుతున్న అనుభూతి కలుగుతుంది. ఇక్కడ వివిధ రంగుల రోడ్లు ఎందుకు నిర్మించబడ్డాయో తెలుసుకుందాం...
Latest Videos
undefined
నీలిరంగు రోడ్లు ఉన్న దేశం ఏది?
మీరు ఖతార్‌లో నీలం రంగు రోడ్లను చూడవచ్చు. ఖతార్ దేశం చూడటానికి చాలా అద్భుతంగా కనిపిస్తుంది. నీలిరంగు రోడ్లపై ఊగుతున్న కార్లు మిమ్మల్ని ఆకర్షిస్తాయి. అయితే ఖతార్ రోడ్లు నీలం రంగులో ఉండేవి కావు. 2019 సంవత్సరానికి ముందు ఖతార్ లో కూడా ఇతర దేశాల లాగానే నలుపు రంగు రోడ్లు ఉండేవి కానీ ఆ తరువాత ఖతార్ రోడ్ల రంగులు మార్చబడ్డాయి.
ఖతార్ రోడ్లు ఎందుకు నీలం రంగులో ఉన్నాయి?
గ్లోబల్ వార్మింగ్ సమస్య ప్రపంచ వ్యాప్తంగా చర్చనీయాంశమైంది. నానాటికీ పెరుగుతున్న ఉష్ణోగ్రతను నియంత్రించేందుకు పలు దేశాలు ఎప్పటికప్పుడు అవసరమైన చర్యలు తీసుకుంటున్నాయి. గ్లోబల్ వార్మింగ్ కారణంగా ఖతార్‌లోని రోడ్ల రంగు కూడా నీలం రంగులోకి మారింది. 2019 సంవత్సరం తర్వాత చాలా రోడ్లు నీలం రంగులోకి మార్చబడ్డాయి. నీలిరంగు రోడ్లు ఉష్ణోగ్రతను బ్యాలెన్స్ చేయడానికి పనిచేస్తాయని నమ్ముతారు.
శాస్త్రవేత్తల ప్రకారం, నలుపు రంగు చాలా రేడియేషన్‌ను గ్రహిస్తుంది . నలుపు రంగు కారణంగా, ఎక్కువ వేడి కూడా విడుదల అవుతుంది. మరోవైపు రోడ్డు పక్కన చెట్లు లేకుంటే ఉష్ణోగ్రత మరింత పెరుగుతుంది. ఇలాంటి పరిస్థితిలో నలుపు లేదా బూడిద రోడ్ల ఉష్ణోగ్రత 20 నుండి 25 డిగ్రీల కంటే ఎక్కువగా ఉంటుంది. అందువల్ల ఖతార్‌లో రోడ్లను నీలం రంగులోకి మార్చడం ద్వారా ఉష్ణోగ్రతను తగ్గించడానికి ప్రయత్నాలు జరుగుతున్నాయి.
నీలిరంగు రోడ్లు ఎక్కడ ఉన్నాయి ?
ఖతార్ కాకుండా చాలా ఇతర దేశాలలోని కొన్ని నగరాలలో నీలిరంగు రోడ్లు ఉన్నాయి. ఇందులో లాస్ వెగాస్, మక్కా, టోక్యో పేర్లు ఉన్నాయి. ఇక్కడి రోడ్లకు కూడా నీలం రంగు వేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి