ఆదివారం రోజు ఈ పనులు అస్సలు చేయకూడదు.. లేదంటే అష్ట దరిద్రమే..!

భారతీయ గ్రంధాల ప్రకారం.. ప్రతి రోజూ ఏదో ఒక దేవుడిని పూజిస్తారు. వారంలోని ఏడు రోజులు ఏదో ఒక దేవుడికి అంకితం చేయబడ్డాయి. కాగా ఆదివారం సూర్యభగవానుడికి అంకితం చేయబడింది. ప్రతి ఆదివారం నాడు సూర్యభగవానుడిని పూజిస్తారు. అలాగే సూర్యుడికి నీటిని సమర్పిస్తారు. దీనివల్ల మీ కీర్తి పెరుగుతుందని, అదృష్టం కలుగుతుందని జ్యోతిష్యులు చెప్తారు.
 

 ఆదివారం నాడు సూర్యభగవానుని పూజిస్తే జీవితంలో అంతా మంచే జరుగుతుంది. కానీ ఆదివారం నాడు కొన్ని పనులను పొరపాటున కూడా చేయకూడదు. లేదంటే సూర్యభగవానుడి అనుగ్రహం పొందలేరు. ముఖ్యంగా మీరు భారీ నష్టాన్ని చవిచూడాల్సి వస్తుంది. అందుకే ఆదివారం నాడు చేయకూడని పనులేంటో ఇప్పుడు తెలుసుకుందాం పదండి. 

సాధారణంగా ఆదివారం సెలవుదినం. ఇది అందరికీ తెలిసిన విషయమే. అందుకే ఈ రోజు దాదాపుగా అందరూ ఇండ్లలోనే ఉంటారు. అయితే ఆదివారం నాడు సూర్యాస్తమయానికి ముందు ఉప్పు అస్సలు తినకూడదని జ్యోతిష్యులు చెబుతున్నారు. ముఖ్యంగా మీ గ్రహానికి అధిపతి సూర్యుడే అయినప్పుడు.

సాధారణంగా ఆదివారం నాడు చాలా మంది చికెన్, మటన్,  చేపలను తెచ్చుకుని వండుకుని తింటుంటారు.  చాలా మంది మాంసాహారం తింటుంటారు. కానీ శాస్త్రాల ప్రకారం.. ఆదివారం ఇలా చేయడం కరెక్ట్ కాదట. జ్యోతిషశాస్త్రం ప్రకారం.. ఆదివారం నాడు మాసం తినకూడదు. మందు తాగకూడదు. 

ఆదివారం నాడు చాలా మంది జుట్టును, గోర్లను కట్ చేసుకుంటుంటారు. కానీ ఆదివారం నాడు ఈ పనులు చేయడం నిశిద్ధం. అలాగే ఈ రోజు మీరు రాగి వస్తువులను కొనడం లేదా అమ్మడం మానుకోవాలని జ్యోతిష్యులు చెబుతున్నారు. ఆదివారం నాడు మీరు ఈ పనులకు దూరంగా ఉంటే సూర్య భగవానుడి అనుగ్రహం మీకు కలుగుతుంది. అలాగే చెడు దృష్టికి దూరంగా ఉంటారు. అలాగే మీ జీవితం ఆనందంగా సాగుతుంది.