ముఖానికి రోజూ ముల్తానీ మట్టి పెడితే ఏమౌతుంది?

ముల్తానీ మట్టి చర్మానికి మంచిదే అయినా.. దీన్ని రోజూ వాడితే మాత్రం కొన్ని చర్మ సమస్యలను ఎదుర్కోవాల్సి వస్తుందని నిపుణులు చెబుతున్నారు. 

ముఖానికి ముల్తానీ మట్టిని రోజూ పెడితే మీ స్కిన్ పొడిబారుతుంది. గరుకుగా అవుతుంది. మీ చర్మం ఇప్పటికే డ్రైగా ఉంటే.. అది మరింత ఎక్కువ అవుతుంది. 

సున్నితమైన చర్మం ఉన్నవారు ముల్తానీ మట్టిని రోజూ ముఖానికి పెడితే చికాకు కలుగుతుంది. అందుకు ఇలాంటి వారు దీన్ని వాడే ముందు ప్యాచ్ టెస్ట్ ఖచ్చితంగా చేసుకోవాలి. 

ముల్తానీ మట్టికి అలెర్జీ కలిగే వారు కూడా ఉంటారు. అందుకే మీకు ఆల్ రెడీ అలెర్జీ ఉంటే ముల్తానీ మట్టిని వాడకపోవడమే మంచిది. 

ముల్తానీ మట్టిని రోజూ ముఖానికి పెడితే మీ చర్మం నిర్జీవంగా, నిస్తేజంగా అవుతుందని నిపుణులు చెబుతున్నారు. దీనివల్ల మీ చర్మం సహజ మెరుపును కోల్పోతుంది. 

ముఖానికి ముల్తానీ మట్టి మేలు చేసినా.. దీన్ని రోజూ వాడితే మాత్రం మీ ముఖంపై ముడతలు ఏర్పడతాయి.