ఒకే వాట్సాప్‌లో రెండు ఖాతాలు ఎలా వాడాలో తెలుసా.? వెరీ సింపుల్‌...

ప్రస్తుతం డ్యూయల్‌ సిమ్‌ ఫోన్‌లు సర్వసాధారణంగా మారాయి. ప్రతీ ఒక్కరూ రెండు సిమ్స్‌ను ఉపయోగిస్తున్నారు. అయితే వాట్సాప్‌లో మాత్రం ఒకే సిమ్‌ను ఉపయోగించాల్సిన పరిస్థితి. 
 

అయితే ఒకవేళ మీ దగ్గర ఉన్న రెండు సిమ్‌లతో వాట్సాప్‌ను ఉయోగించాలంటే ఒక వాట్సాప్‌ లాగవుట్‌ చేసి మరో అకౌంట్ ఓపెన్‌ చేయాల్సి ఉంటుంది. 
 

ఇందుకోసమే వాట్సాప్‌ స్విచ్ అకౌంట్స్‌ పేరుతో ఓ ఫీచర్‌ను తీసుకొచ్చింది. దీంతో ఒకే వాట్సాప్‌లో రెండు అకౌంట్స్‌ను ఏకకాలంలో రన్‌ చేయొచ్చు. 
 

ఇందుకోసం ముందుగా వాట్సాప్‌లో కుడి వైపు కనిపించే త్రీ డాట్స్‌ను సెలక్ట్‌ చేసుకొని సెట్టింగ్స్‌ ఆప్షన్స్‌లోకి వెళ్లి, అకౌంట్‌ను సెలక్ట్ చేసుకోవాలి.  
 

ఆ తర్వాత అందులో కనిపించే యాడ్‌ అకౌంట్‌ ఆప్షన్‌ను క్లిక్‌ చేయాలి. వెంటనే ప్రాసెస్‌ మొదలవుతుంది. 
 

ఆ తర్వాత మీ ఫోన్‌లో ఉన్న రెండో సిమ్‌ నెంబర్‌ను ఎంటర్‌ చేయడం ద్వారా రెండో అకౌంట్‌ ఓపెన్‌ అవుతుంది.

ఈ ప్రాసెస్‌ పూర్తి అయిన తర్వాత పైన త్రీ డాట్స్‌ క్లిక్‌ చేయగానే కనిపించే 'స్విచ్‌ అకౌంట్‌' ఆప్షన్‌ ద్వారా మీకు నచ్చిన ఖాతాలోకి సులభంగా మూవ్‌ అవ్వొచ్చు.