32 ఏళ్లుగా స్నానం చేయని బాబా కథ

మహాకుంభ మేళా వేడుకలు భారత్‌లోనే ప్రపంచ వ్యాప్తంగా ప్రాచుర్యం పొందాయి. దేశవిదేశాల నుంచి సాధువులు, బాబాలు మేళా ప్రాంతానికి చేరుకుంటున్నారు.

మహాకుంభ మేళాలో సాధువులు భక్తులను ఆకర్షిస్తున్నారు. అస్సాం కాళికాదేవి ఆలయం నుంచి వచ్చిన గంగాపురి మహారాజ్ కూడా వారిలో ఒకరు.

57 ఏళ్ల గంగాపురి మహారాజ్ ఎత్తు కేవలం 3.8 అడుగులు. కానీ దాన్ని ఆయన తన బలహీనతగా భావించలేదు. తన శక్తి, సాధనకు ప్రతీకగా భావిస్తారు.

చిన్నతనంలోనే సన్యాసం స్వీకరించి, సాధనలో ఉన్నత స్థాయికి చేరుకోవడానికి కఠిన దీక్షలు చేశానని మహారాజ్ చెప్పారు.

గత 32 ఏళ్లుగా స్నానం చేయకపోవడం ఆయన ప్రత్యేక దీక్ష. ఇది తన ఆధ్యాత్మిక సాధన, ఆత్మశుద్ధికి ప్రతీక అని గంగాపురి మహారాజ్ అంటున్నారు.

శరీరానికి స్నానం చేయనని, కేవలం జటలకు మాత్రమే స్నానం చేస్తానని.. జటల స్నానమే నిజమైన ఆధ్యాత్మిక స్నానమని గంగాపురి మహారాజ్ అన్నారు.