సన్ ఫ్లవర్స్ సూర్యుడి వైపు ఎందుకు తిరుగుతాయి?

ప్రపంచంలో ఉన్న ఎన్నో అందమైన పెద్ద పువ్వులలో పొద్దుతిరుగుడు. ఇది మనకు ఎన్నో రకాలుగా ఉపయోగపడుతుంది.

పొద్దుతిరుగుడు పువ్వులను సర్ ఫ్లవర్స్ అంటారు. ఎందుకంటే అవి ఎప్పుడూ సూర్యుడిని చూస్తున్నట్టే ఉంటాయి. సూర్యుడు ఎటుంటే అటు తిరుగుతాయి. 

సూర్యుడు తూర్పున ఉదయించి పడమరన అస్తమిస్తాడు. పొద్దుతిరుగుడు పువ్వు కూడా సూర్యుడితో పాటే తూర్పు నుంచి పడమరకు తిరుగుతుంది. సూర్యుడి కోసం ఎదురుచూస్తుంది.

పొద్దుతిరుగుడు పువ్వు ఇలా సూర్యుడి వైపు తిరగడాన్ని సైన్స్ పరిభాషలో 'హీలియోట్రోపిజం' అని అంటారు.

మొక్కల పెరుగుదలకు కూడా హార్మోన్లు అవసరం. పొద్దుతిరుగుడు పువ్వులో ఒక ప్రత్యేకమైన హార్మోన్ మొగ్గ కింద ఉన్న ఆకులలో తయారవుతుంది. అక్కడి నుంచి పువ్వు కాండంలోకి చేరుతుంది.

కాంతి పడే దిశకు వ్యతిరేక దిశలో కాండంపై ఈ హార్మోన్ పేరుకుపోతుంది. ఆ భాగంలో కణాలు వేగంగా పెరిగి, ఒత్తిడిని కలిగిస్తాయి. దీంతో మొగ్గ సూర్యుడి వైపు వంగుతుంది.

సూర్యుడు తూర్పున ఉన్నప్పుడు కాండం పశ్చిమ భాగంలోని కణాలు వేగంగా పెరుగుతాయి. ఫలితంగా, పువ్వు తూర్పు వైపు తిరుగుతుంది. సూర్యుడి కదలికకు అనుగుణంగా ఈ ప్రక్రియ రోజంతా జరుగుతూనే ఉంటుంది.