ఈ మొక్కలకు విత్తనాలు అవసరం లేదు.. కొమ్మ పాతితే చాలు

మీకు పూల మొక్కలు ఇష్టమా? అయితే గులాబీ, మందారం, మల్లె, చామంతి, డేలియా, బోగన్‌విలియా వంటి పూల మొక్కలను కొమ్మలను విరిచి మట్టిలో నాటితే చాలు.

మనీ ప్లాంట్, స్నేక్ ప్లాంట్, టర్టిల్ వైన్, మాన్‌స్టెరా వంటి మొక్కలకు కూడా విత్తనాలు నాటక్కర్లేదు. జస్ట్ చిన్న కొమ్మ తీసుకుని నాటుకోవాలి.

కొమ్మ 4 నుంచి 6 అంగుళాల పొడవు ఉండేలా కత్తిరించుకోవాలి. ఆ కొమ్మపై 2 నుంచి 3 కణుపులు ఉండేలా చూసుకోవాలి.

కొమ్మ కింది భాగంలో ఉన్న ఆకులను తీసేయండి. కొమ్మను అడ్డంగా కాకుండా, ఒక వైపుకు ఏటవాలుగా (క్రాస్‌గా) కత్తిరించాలి.

ఇలా కత్తిరించిన కొమ్మను నీటిలో లేదా తేమగా ఉన్న మట్టిలో నాటి, నీడ ఉన్న ప్రదేశంలో ఉంచాలి.

కొమ్మను పాతాక మట్టి ఎప్పుడూ తేమగా ఉండేలా చూసుకోండి.  అలాగని నీళ్లు ఎక్కువగా పోయొద్దు. సాధారణంగా 10-20 రోజుల్లో వేర్లు రావడం మొదలవుతుంది. 3-4 వారాల్లో కొత్త మొక్క సిద్ధమవుతుంది.