ఈ సింపుల్ చిట్కాలతో తలలో పేలు మాయం.. ఒక్కసారి ట్రై చేయండి!

మందార ఆకులను మెత్తగా నూరి తలకు పట్టించాలి. ఇది చుండ్రుతో పాటు పేల సమస్యను కూడా తగ్గించడంలో సహాయపడుతుంది.

పేల నివారణకు తులసి అద్భుతంగా పనిచేస్తుంది. కొన్ని తులసి ఆకులను పేస్ట్ చేసి, తలకు పట్టించాలి. వారానికి ఒకటి లేదా రెండుసార్లు ఇలా చేస్తే పేలు తొలగిపోతాయి.

పేల సమస్యకు బేబీ ఆయిల్ ఒక మంచి మార్గం. రాత్రి పడుకునే ముందు బేబీ ఆయిల్‌ను తలకు బాగా పట్టించి, రాత్రంతా అలాగే ఉంచాలి. ఉదయాన్నే దువ్వెనతో దువ్వి, ఆ తర్వాత షాంపూతో తలస్నానం చేయాలి.

తలలో పేలను వదిలించుకోవడానికి ఆలివ్ ఆయిల్ చాలా బాగా పనిచేస్తుంది. రాత్రి నిద్రపోయే ముందు తలకు ఆలివ్ ఆయిల్ పట్టించాలి. మరుసటి రోజు ఉదయం షాంపూతో తలస్నానం చేయాలి.

వేపాకులను మెత్తగా నూరి పేస్ట్ చేసుకోవాలి. ఈ పేస్ట్‌ను వారానికి ఒకసారి తలకు పట్టించి 20 నిమిషాల పాటు ఉంచాలి. ఆ తర్వాత షాంపూతో శుభ్రంగా కడగాలి. ఇది పేలను సులభంగా తొలగిస్తుంది.

టీ ట్రీ ఆయిల్ పేలకు వ్యతిరేకంగా చక్కగా పనిచేస్తుంది. కొన్ని చుక్కల టీ ట్రీ ఆయిల్‌ను తీసుకుని, మాడుకు పట్టించడం వల్ల పేలను సులభంగా వదిలించుకోవచ్చు.