Hair Growth: మీ జుట్టు నెలరోజుల్లో ఒత్తుగా పెరగాలంటే ఇది వాడితే చాలు

ఉసిరిలో విటమిన్ సి, ఐరన్, యాంటీఆక్సిడెంట్లు ఉంటాయి. జుట్టు ఆరోగ్యానికి అద్భుతంగా పనిచేస్తాయి. ఇవి కుదుళ్లను బలపరచి హెయిర్ ఫాల్ తగ్గిస్తుంది.  జుట్టు నల్లగా, మెరిసేలా ఉంచుతుంది.

ఉసిరికాయను తరచుగా వాడటం వల్ల జుట్టు వేర్లు దృఢమవుతాయి. ఇది తలకు పోషణ అందించి రక్తప్రసరణను మెరుగ్గా చేస్తుంది. ఫలితంగా జుట్టు ఊడిపోవడం తగ్గి, కొత్తవి పెరగడానికి సహాయపడుతుంది.

చిన్నవయసులోనే తెల్లజుట్టు రాకుండా చేస్తుంది. జుట్టుకు సహజమైన మెరుపును అందిస్తుంది. ఆరోగ్యంగా, ఒత్తుగా పెరిగేందుకు ఉసిరిని ఎలా వాడాలంటే..

రెండు స్పూన్ల ఎండబెట్టిన ఉసిరి పొడిలో కొద్దిగా పెరుగు కలపండి. ఈ ప్యాక్‌ను తలకు, జుట్టుకు బాగా పట్టించండి.

ఉసిరి రసం, ఆలివ్ నూనె కలిపి ప్యాక్ తయారు చేసుకోండి. ఈ ప్యాక్‌ను తలకు బాగా పట్టించి ఆరనివ్వండి. ఆరిన తర్వాత షాంపూతో తలస్నానం చేయండి.

జుట్టు పెరుగుదలకు, ఉసిరికాయలు వేసి మరిగించిన నీటిని ఉపయోగించడం చాలా మంచిది. ఈ ఉసిరి నీళ్లను హెయిర్ వాష్‌గా కూడా వాడుకోవచ్చు. 

రెండు టేబుల్ స్పూన్ల ఉసిరి పొడి, కరివేపాకు పొడిలో కొద్దిగా నీళ్లు కలిపి పేస్ట్ చేయండి. దీనిని జుట్టుకు, మాడుకు పట్టించండి. బాగా ఆరిన తర్వాత కడిగేయండి. 

రెండు టేబుల్ స్పూన్ల ఉసిరి పొడి, ఒక టేబుల్ స్పూన్ మెంతుల పొడిని నీటితో కలిపి పేస్ట్ చేయండి. దీనిని తలకు బాగా పట్టించి 20 నిమిషాల తర్వాత కడిగేయండి.