ఈ సింపుల్ చిట్కాలతో తెల్ల జుట్టుకు చెక్.. ట్రై చేయండి!

కొబ్బరి నూనెలో కరివేపాకు వేసి నల్లగా మారే వరకు బాగా మరిగించాలి. ఆ తర్వాత నూనె చల్లార్చి, జుట్టుకు పట్టించాలి. కాసేపటి తర్వాత తలస్నానం చేస్తే సరిపోతుంది.

జుట్టుకు నల్లని రంగును ఇవ్వడంలో బ్లాక్ టీ బాగా పనిచేస్తుంది. బ్లాక్ టీతో తలస్నానం చేయాలి. కనీసం 15-20 నిమిషాల పాటు బ్లాక్ టీని తలపై ఉంచుకోవాలి. ఆ తర్వాత శుభ్రంగా కడిగేయాలి.

కొన్ని వాల్‌నట్ షెల్స్‌ను పొడిగా చేసి, నీటిలో వేసి 30 నిమిషాల పాటు మరిగించాలి. ఈ నీటితో తలస్నానం చేయాలి. ఇది జుట్టుకు మంచి రంగు ఇవ్వడంలో సహాయపడుతుంది.

కొంత గోరింటాకు పొడిని రాత్రంతా నీటిలో నానబెట్టాలి. ఉదయాన్నే ఈ మిశ్రమాన్ని జుట్టుకు పట్టించి, కొన్ని గంటల తర్వాత కడిగేయాలి.

బంగాళాదుంప తొక్కలను నీటిలో వేసి మరిగించాలి. ఆ తర్వాత తొక్కలను తీసేసి, నీటిని వడకట్టి జుట్టుకు పట్టించాలి. 15 నిమిషాల తర్వాత తలస్నానం చేయాలి.

కాఫీ పొడిని జుట్టుకు పట్టించి, కాసేపటి తర్వాత నీటితో కడిగేయాలి. ఇది జుట్టు నెరవకుండా నివారిస్తుంది.