ఇవి తింటే తెల్ల వెంట్రుకలు రావు

బచ్చలికూరలో ఫోలిక్ యాసిడ్, ఐరన్ వంటి పోషకాలు పుష్కలంగా ఉంటాయి. ఈ ఆకు కూరను తింటే చిన్న వయసులో తెల్ల జుట్టు రాదు. అలాగే వెంట్రుకలు బాగా పెరుగుతాయి. 

వాల్ నట్స్ మన ఆరోగ్యానికి ఎంతో మేలు చేస్తాయి. వీటిలో బయోటిన్ పుష్కలంగా ఉంటుంది. ఈ నట్స్ ను తింటే మీకు తెల్ల వెంట్రుకలు తొందరగా రావు. అలాగే మీ జుట్టు కూడా ఆరోగ్యంగా ఉంటుంది. 

బాదం పప్పులు కూడా జుట్టుకు మేలు చేస్తాయి. విటమిన్ ఇ, బయోటిన్ లు మెండుగా ఉన్న బాదం పప్పులు చిన్న వయసులో తెల్ల వెంట్రుకలు రాకుండా కాపాడుతాయి. 

ఉసిరికాయ మన జుట్టుకు చేసే మేలు అంతా ఇంతా కాదు. దీనిలో విటమిన్ సి, యాంటీ ఆక్సిడెంట్లు పుష్కలంగా ఉంటాయి. ఈ ఉసిరికాయ చిన్న వయసులోతెల్ల వెంట్రుకలు రాకుండా, నల్లగా ఉంచుతుంది. 

విటమిన్ బి, యాంటీఆక్సిడెంట్లు పుష్కలంగా ఉన్న కరివేపాకు కూడా తెల్ల వెంట్రుకలను రాకుండా ఆపుతుంది. దీన్ని మీ ఆహారంలో చేర్చుకుంటే తెల్ల వెంట్రుకలు తొందరగా రావు. 

విటమిన్ బి, బీటా కెరోటిన్ లు పుష్కలంగా ఉన్న క్యారెట్ ను మీ రోజువారి ఆహారంలో చేర్చుంటే మీకు తెల్ల జుట్టు అంత తొందరగా రాదు. క్యారెట్ జుట్టును ఆరోగ్యంగా ఉంచడానికి సహాయపడుతుంది. 

విటమిన్ ఎ, బీటా కెరోటిన్ లు ఎక్కువగా ఉన్న చిలగడదుంపలు కూడా చిన్న వయసులో తెల్ల వెంట్రుకలు రాకుండా ఆపుతాయి.