ముఖేష్ అంబానీ ఇంటి ఖరీదు ఎంతో తెలుసా?

మనదేశంలోని అత్యంత ధనవంతుడు ముఖేష్ అంబానీ తన ఫ్యామిలీతో కలిసి ముంబయిలోని కుంబాల్లా హిల్ ప్రాంతంలోని అంటిలియాలో ఉంటారు.

 

ముఖేష్ ఇంటికి అంటిలియా అనే పేరు పెట్టారు. అట్లాంటిక్ మహాసముద్రంలో ఉన్న ద్వీపం అంటిలియా నుంచి ఈ పేరు తీసుకున్నారు.

 

 

అంటిలియా బహుళ అంతస్తుల భవనం. ఇది 4 లక్షల చదరపు అడుగుల విస్తీర్ణంలో ఉంది.

2006-2010 మధ్య కాలంలో దాదాపు 2 బిలియన్ డాలర్లు (16,702 కోట్ల రూపాయలు) ఖర్చుతో అంటిలియా నిర్మించారు. ప్రస్తుతం దీని విలువ 38,415 కోట్ల రూపాయలకు పైగా ఉంది.

బకింగ్‌హామ్ ప్యాలెస్ తర్వాత అంటిలియా ప్రపంచంలోనే రెండవ అత్యంత ఖరీదైన ప్రైవేట్ నివాసం కావడం విశేషం.

అంటిలియాలో 27 అంతస్తులు ఉన్నాయి. దీని లోబీ చాలా ఎత్తుగా ఉండి, 570 అడుగుల ఎత్తున్న 40 అంతస్తుల భవనానికి సమానం.

అంటిలియా నిర్మాణంలో తామరపువ్వు , సూర్యుని ఆకారాలను ఉపయోగించారు. దీని నిర్మాణంలో స్ఫటికం, పాలరాయి , ముత్యాలను ఉపయోగించారు.

అంటిలియా అందంగా కనిపించడమే కాకుండా బలంగా కూడా ఉంది. ఇది రిక్టర్ స్కేలులో 8 తీవ్రతతో వచ్చే భూకంపాలను కూడా తట్టుకుంటుంది.

అంటిలియాలో హెల్త్ స్పా, సెలూన్, బాల్ రూమ్, 3 ఈత కొలనులు, యోగా స్టూడియో, డ్యాన్స్ స్టూడియో, 50 మంది కూర్చునే సామర్థ్యం ఉన్న థియేటర్ ఉన్నాయి