Health Tips: మీకు తరచు ఆకలి వేస్తుందా ? కారణం ఇదే..

తక్కువ ప్రోటీన్, ఫైబర్ తీసుకుంటే కడుపు త్వరగా ఖాళీ అవుతుంది. ఇది ఆకలి త్వరగా రావడానికి కారణమవుతుంది. తద్వారా అధికంగా తినే అవకాశం పెరిగి బరువు పెరగవచ్చు. 

తక్కువగా నీరు తాగితే డీహైడ్రేషన్ అవుతుంది. ఈ సమయంలో ఆకలి అనిపించే అవకాశం ఎక్కువగా ఉంటుంది.   

నిద్ర తక్కువగా ఉంటే ఆకలి నియంత్రించే గ్రెలిన్, లెప్టిన్ వంటి హార్మోన్ల అసమతుల్యత ఏర్పడుతుంది. దీనివల్ల ఆకలి ఎక్కువగా అనిపించి, అధికంగా తినే అవకాశముంది. 

ఒత్తిడి ఉన్నప్పుడు కార్టిసాల్ వంటి హార్మోన్ల స్థాయిలో మార్పులు కలుగుతాయి. ఇది హార్మోన్ల అసమతుల్యతకు దారి తీస్తుంది. ఇది ఆకలిని పెంచుతుంది. ఫలితంగా అధికంగా తింటారు. 

శరీరంలో బ్లడ్ షుగర్ తక్కువగా (హైపోగ్లైసీమియా) ఉన్నప్పుడు,  శక్తి కొరత కారణంగా ఆకలిగా అనిపిస్తుంది. ఇది అలసట, చిరాకు, చేతుల వణుకు వంటి లక్షణాలు కనిపిస్తాయి. 

హైపర్‌ థైరాయిడ్ ఉన్నవారిలో థైరాయిడ్ హార్మోన్లు అధికంగా ఉత్పత్తి అవుతాయి. దీనివల్ల మెటబాలిజం వేగంగా పనిచేసి, శరీరానికి ఎక్కువ శక్తి అవసరం పడుతుంది. ఫలితంగా ఆకలి పెరుగుతుంది.