మీ లోన్ EMI త్వరలో తగ్గనుంది.. ఎలాగో తెలుసా?

ద్రవ్యోల్బణం రేటు తగ్గుముఖం పట్టడంతో RBI రెపో రేటును తగ్గించవచ్చని SBI  Ecowrap నివేదిక సూచిస్తుంది.

జులైలో రిటైల్ ద్రవ్యోల్బణం రేటు వార్షిక ప్రాతిపదికన 3.54%కి పడిపోయింది. ఇది 59 నెలల్లో కనిష్ట ద్రవ్యోల్బణం స్థాయి. దీనికి ముందు, జూన్‌లో ద్రవ్యోల్బణం రేటు 5.08%గా ఉంది.

రిటైల్‌తో పాటు, హోల్‌సేల్ ద్రవ్యోల్బణం రేటు కూడా 3 నెలల కనిష్టానికి చేరుకుంది. జూన్ 2024లో ఇది 3.36%గా ఉండగా, జులైలో 2.04%కి తగ్గింది.

ప్రస్తుతం ద్రవ్యోల్బణం రేటు2 నుండి 4 శాతం RBI పరిధిలోనే ఉంది. అందువల్ల అక్టోబర్ 2024 ద్రవ్య విధాన సమీక్షలో రెపో రేటు తగ్గింపును పరిగణించే అవకాశం ఉంది. 

RBI రెపో రేటును తగ్గిస్తే, అది లోన్ EMIపై ప్రత్యక్ష ప్రభావాన్ని చూపుతుంది. రెపో రేటు తగ్గడం వల్ల మీ లోన్ వాయిదాలు కూడా తగ్గుతాయి. ప్రస్తుతం ఇది 6.5% వద్ద ఉంది.

SBI Ecowrap నివేదికలో ఆర్థికవేత్త తన విశ్లేషణ ఆధారంగా ఈ ఏడాది ఇప్పటివరకు రుతుపవనాలు చాలా బాగున్నాయని చెప్పారు. ఇవి ఆర్థిక వ్యవస్థకు మంచి సంకేతాలు.

SBI Ecowrap నివేదిక ప్రకారం, 2024-25 ఆర్థిక సంవత్సరం ఏప్రిల్-జూన్ త్రైమాసికంలో వాస్తవ GDP వృద్ధి 7 నుండి 7.1% వరకు ఉండవచ్చని అంచనా.