హోలీ రోజున చంద్రగ్రహణం ఎప్పుడు వస్తుంది?

2026లో 2 చంద్ర, 2 సూర్య గ్రహణాలు రాబోతున్నాయి. ఈసారి హోలీకి చంద్రగ్రహణం ఏర్పడబోతోంది. దీనిపై ప్రజలకు  ఆసక్తి ఎక్కువ. 

పంచాంగం ప్రకారం, ఫాల్గుణ మాస పౌర్ణమి నాడు హోలికా దహనం చేస్తారు. ఈసారి ఈ పౌర్ణమి తిథి మార్చి 2, 3 తేదీల్లో రెండు రోజులు ఉంటుంది. మొదటి రోజు ఉపవాసం, రెండో రోజు దానాలు చేస్తారు.

ఫాల్గుణ పౌర్ణమి కావడంతో మార్చి 2న అంటే సోమవారం హోలికా దహనం, మార్చి 3న మంగళవారం హోలీ పండుగ చేసుకుంటాము. మార్చి 3న చంద్రగ్రహణం కూడా ఏర్పడుతోంది.

మార్చి 3న ఏర్పడే చంద్రగ్రహణం భారత్‌లో పాక్షికంగా కనిపిస్తుంది. భారతదేశంతో పాటు ఆసియా, ఆస్ట్రేలియా, పసిఫిక్ మహాసముద్రంలో ఈ గ్రహణం కనిపిస్తుంది.

భారత కాలమానం ప్రకారం మార్చి 3న చంద్రగ్రహణం మధ్యాహ్నం 3:20 గంటలకు మొదలై సాయంత్రం 6:47 గంటల వరకు ఉంటుంది. దీని సూతక కాలం 9 గంటల ముందు మొదలవుతుంది.

మార్చి 3న సంభవించే చంద్రగ్రహణం భారత్‌లో కనిపిస్తుంది కాబట్టి. ఇక్కడ సూతక కాలాన్ని పాటిస్తారు.