ఆరెంజ్ తొక్కలతో ఎన్ని పనులు చేయొచ్చో తెలుసా

ఆరెంజ్ తొక్కలతో కిచెన్ ను క్లీన్ చేయొచ్చు. ఇందుకోసం వైట్ వెనిగర్ లో ఆరెంజ్ తొక్కలను కొన్నిరోజులు నానబెట్టాలి. దీన్నివడకట్టి కిచెన్ స్లాబ్, గిన్నెలను శుభ్రం చేసుకోవచ్చు.

తొక్కతో క్యాండిల్ ను తయారుచేయడానికి కమలా తొక్కను, కరిగించిన మైనం, వత్తి, 2-5 లవంగాలు, పొడి కర్పూరాన్ని కలిపి ఆరబెట్టాలి. ఆరిన తర్వాత  వెలిగించాలి.

ఆరెంజ్ తొక్కల ఫేస్ ప్యాక్లో ఉండే విటమిన్ సి, యాంటీఆక్సిడెంట్లు చర్మాన్ని కాంతివంతంగా చేస్తాయి. ఈ తొక్కల పొడిలో పెరుగు/రోజ్ వాటర్ తో కలిపి ముఖానికి రాసుకోవాలి.

అవును ఆరెంజ్ తొక్కలతో క్యాండీలు కూడా చేయొచ్చు. ఇందుకోస తొక్కను చిన్నగా, పొడవుగా కట్ చేసి చక్కెరలో కలిపి టేస్టీ క్యాండీని తయారు చేయొచ్చు.

నారింజ తొక్క జుట్టును బలంగా, షైనీగా చేస్తుంది. ఇందుకోసం ఆరెంజ్ తొక్కల్ని నీళ్లలో మరిగించి, చల్లార్చాలి. ఈ నీళ్లతో హెయిర్ వాష్ చేసుకోవాలి. 

ఆరెంజ్ తొక్కలను సేంద్రియ ఎరువుగా కూడా ఉపయోగించొచ్చు. ఇందుకోసం తొక్కను చిన్న ముక్కలుగా కట్ చేసి తోటలో వేయాలి. ఇది మొక్కలకు సహజ ఎరువులా పనిచేస్తుంది.