యువకుడిపై అత్యాచారం.. బస్సులో నుంచి దించి మరీ దారుణం.. వీడియో తీసి డబ్బులు వసూలు..
By Asianet News | First Published Apr 21, 2023, 8:28 AM ISTఓ యువకుడిపై మరో యువకుడు అత్యాచారానికి పాల్పడిన ఘటన తమిళనాడు రాష్ట్రంలో వెలుగులోకి వచ్చింది. దీనిపై బాధితుడు పోలీసులను ఆశ్రయించారు. పోలీసులు ఆరుగురు నిందితులను అరెస్టు చేశారు.
అతడో సాఫ్ట్ వేర్ ఇంజనీర్. ఎప్పటిలాగే ఓ బస్సులో ఇంటికి వెళ్తున్నాడు. ఈ క్రమంలో ఓ యువకుడు అతడితో గొడవ పడ్డాడు. తన స్నేహితులకు ఫోన్ చేసి పిలిపించాడు. వారు వచ్చి బస్సును ఆపి ఆ యువకుడిని బయటకు తీసుకొచ్చారు. ఓ కొలను దగ్గరికి తీసుకెళ్లారు. ఆ స్నేహితుల్లో ఒకరు అతడిపై అత్యాచారానికి పాల్పడ్డాడు. దీనిని మిగితా స్నేహితులు వీడియో తీశారు. బ్లాక్ మెయిల్ చేసి డబ్బులు వసూలు చేశారు. ఈ ఘటన తమిళనాడు రాష్ట్రంలో చోటు చేసుకుంది.
జమ్మూకాశ్మీర్ పూంచ్ లో భారీ ఉగ్రదాడి.. ఐదుగురు జవాన్లు మృతి.. దర్యాప్తు చేపట్టిన ఎన్ఐఏ
Latest Videos
పోలీసులు తెలిపిన వివరాల ప్రకారం.. తమిళనాడు రాష్ట్రం తిరుచ్చికి చెందిన 27 ఏళ్ల సాఫ్ట్ వేర్ ఇంజనీర్ ఓ బస్సుల్లో పుత్తానందం నుంచి మనప్పరై ప్రయాణిస్తున్నాడు. అదే బస్సుల్లో వండపేట ప్రాంతానికి చెందిన 27 ఏళ్ల అరివళగన్ కూడా ప్రయాణిస్తున్నాడు. అయితే ఉన్నట్టుండి ఒక్క సారిగా అరివళగన్ తన ఫ్రెండ్స్ కు కాల్ చేశాడు. ఓ వ్యక్తితో తనతో గొడవకు దిగాడని వారితో చెప్పాడు. అందరూ మణప్పరై దగ్గర ఉన్న కొలను సమీపంలోకి వచ్చేయాలని సూచించాడు.
జమ్మూకాశ్మీర్ పూంచ్ లో భారీ ఉగ్రదాడి.. ఐదుగురు జవాన్లు మృతి.. దర్యాప్తు చేపట్టిన ఎన్ఐఏ
దీంతో ఐదుగురు ఫ్రెండ్స్ వచ్చారు. ఆ సాఫ్ట్ వేర్ ఇంజనీర్ ను బస్సులో నుంచి లాక్కెళ్లారు. అతడిని మణప్పరై కొలను దగ్గరకు బలవంతంగా పట్టుకెళ్లారు. అక్కడ అరివళగన్ స్నేహితుల్లో ఒకరైన 24 ఏళ్ల రియాజ్ సాఫ్ట్ వేర్ ఇంజనీర్ పై అత్యాచారానికి ఒడిగట్టాడు. ఈ దారుణాన్ని మిగితా స్నేహితులు తమ సెల్ ఫోన్లలో వీడియో తీశారు. డబ్బులు ఇవ్వాలని బ్లాక్ మెయిల్ చేశాడు. దీంతో నిస్సాహయ స్థితిలో ఉన్న బాధితుడు ఏం చేయాలో తెలియక వారికి రూ.75 వేలను పంపించాడు.
ఈ ఘటనపై తరువాత బాధితుడు పోలీసులను ఆశ్రయించాడు. నిందితులపై ఫిర్యాదు చేశాడు. అనంతరం పోలీసులు ఆరుగురుని అదుపులోకి తీసుకున్నారు. ఇందులో ఇద్దరు గతంలో ఓ విద్యార్థినిపై అత్యాచారానికి పాల్పడినట్టు ఆరోపణలు వచ్చాయి. దీంతో వారిని పోక్సో చట్టం కింద అరెస్టు చేశారు. ఈ కేసుపై పోలీసులు విచారణ జరుపుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి