నేను ఇంకా బతికే ఉన్నాను.. కేటీఆర్

తాను ఇంకా బతికే ఉన్నానని తెలంగాణ మాజీ మంత్రి, టీఆర్ఎస్ వర్కింగ్ ప్రెసిడెంట్ కేటీఆర్ ట్వీట్ చేశారు.

trs working president ktr says he is still alive in twitter

Hyderabad, First Published Jan 14, 2019, 10:41 AM IST

తాను ఇంకా బతికే ఉన్నానని తెలంగాణ మాజీ మంత్రి, టీఆర్ఎస్ వర్కింగ్ ప్రెసిడెంట్ కేటీఆర్ ట్వీట్ చేశారు. అదేంటి..? కేటీఆర్ ఇలా ట్వీట్ చేయడం ఏమిటి అనుకుంటున్నారా..? ఓ నెటిజన్ అత్యుత్సాహంతో చూపించిన ప్రేమకి కేటీఆర్ ఇలా బదులిచ్చారు.

ఇంతకీ మ్యాటరేంటంటే... యువతలో కేటీఆర్ కి విపరీతమైన క్రేజ్ ఉన్న సంగతి ప్రత్యేకంగా చెప్పనక్కర్లేదు. ఆ అభిమానంతోనే ఓ యువకుడు ఆయన పేరు ట్యాగ్ చేసి మరీ ట్వీట్ చేశారు. ఆ ట్వీట్ లో జై కేటీఆర్ కి బదులు.. పొరపాటున జోహార్ కేటీఆర్ అంటూ ట్వీట్ చేశారు.

కాగా.. ఆ ట్వీట్ కి కేటీఆర్ తనదైన శైలిలో స్పందించారు. ‘‘బ్రదర్... నేను ఇంకా బతికే ఉన్నాను. అప్పుడే జోహార్ క్లబ్ లో చేరలేదు’’ అంటూ ట్వీట్ చేశారు. కాగా.. ట్వీట్ వైరల్ గా మారింది. ఎప్పుడైతే ట్వీట్ వైరల్ అయ్యిందో.. ఆ నెటిజన్ తాను చేసిన పొరపాటును గ్రహించారు. వెంటనే తన ట్వీట్ ని డిలీట్ చేయడం విశేషం.